موضوووع هدم الكثير من البيوت

أختي المجروحة أن شاءالله تكوني سعيدة ولستي مجروحه
نصيحتي لكي بالصبر والدعاء لزوجك بصلاح والجائي الى الله وأكثر من الدعاء له في السجود ولا تعتمدي على صديق او على قريب بحل مشكلتكي
أعتمدي على الله سبحانة فهو القادر على هداية زوجك وان يفرج همك ولا تتركي منزلك واصبري ولا تقولي يارب عندي هم كبير .... ولكن قولي يا هم لي رب كبير
أسال الله ان يفرج همك ويهدي لك زوجك اللهم أمين

اختي مجروحه كوني كالشمعة تحترق وتضىئ ماحولها ولاتلتفتي من ينادي بالطلاق لأنهم لايعلمون ماهي تبيعاته.
نصيحتي لك ان ترفقي بزوجك وتدفعيه الى الامام بهدوء الكلام وابتعدي عن الانفعالات العاطفية.
الجرح واضح لديكي والدواء مختبئا بينكم..فبدأي بالعلاج وابتعدي عن توسيع الجراح وابتعدي عن مهنة النساء لأنها تذهب بكي الى كل شر.
ولاتنسي الدعاء في سكون الليل..واتمنى لك راحة اللسان وراحة البدن وراحة بمن حولك....والحياة حلوه

عفوا اخواني الكرام

الرجاء عدم الخروج عن صلب الموضوع

ودمتم

ا

ابي رايكم بموضوع اشغلني وأشغل الكثير من المتزوجات ونكد حياتهن وأوشك ع هدم بيوتهن لو لم تكن فيهن الصابره والحكيمه..الا وهو خيانة الزوج** وانا أتكلم عن نفسي اكتشفت زوجي يخونني من ثالث يوم في زواجنا واليوم مر ع زواجنا سنه وستة اشهر كسرت في هذه الفتره جوالين والآن معاه جوال بالسياره وانا تعبت معاه نصحته ولكن بدون فايده مازال في طريقه المظلم..وانا اوجه سؤالي لأهل البنات من فيكم في يوم فتش جوال بنته او اخته؟؟؟~وسؤالي الثاني للبنات اللي يراسلن الشباب * كيف ترضي تعطي الثقه لواحد مايحبك اصلا بس فتره يلعب معك واذا أخذ اللي يبغاه رماك وضحك عليك؟؟/سؤالي الثالث للمتزوجات اللي يراسلن الشباب هل ترضي ان زوجك يحب غيرك والا لا؟؟/وسؤالي الاخير للرجل لماذا تزوجت *هل تزوجت لتعف نفسك وتكمل نصف دينك او تزوجت لتظلم بنت الناس معك وتخونها؟؟/اين مخافة الله وأين الغيره ع إخواتك المسلمات ((من يزني يزنا به ولو بجداره...ان كنت ياذا لبيباً فافهمي)) اعذروني ع هذا الموضوع كتبته من حرقه في داخلي لان زوجي جرحني جرح ماراح يبرأ ومايحس فيني الا المجرب واتمنا ان تتفاعلوا معاي وتساعدوني بإيجاد حل حتا اخلي زوجي يكسر الجوال اللي بالسياره جزاكم الله الجنه**[/list]

اهلين فيك مجروحه اتمنالك الخير والسعاده وعسى الله يرد لك زوجك
ويسخر لك قلبه
غاليتي بتكلم معك بكل شفابفه
كنت اتمنى الخاص يرسل وارسلك >>للأن مااشتغل
ايبك قبل تطبقي هالكلام
تنفذي هالشي
جوال زوجك لاتمسكيه ولاتفتشيه ابدا ابدا (راح تتعبي وتعبي نفسك وتجيبي لنفسك الهم والغمه وتفتحي باب ماله خلاص )

ثانيا جهزي نفسك باابها حله (لاتقولي مليت ومايحس ومايستاهل اذا تبين سعاده زوجك وتتوفقي نفذي هالشي)
اذا جا اجلسي معه بهدؤؤؤؤؤؤؤؤؤؤؤؤ بهدؤ كلميه
ابكي عنده مو عيب هالشي خليه يشوف حالك والشي الي وصلتي له بسببه
قولي له انابئيش مقصره..!!!
يمكن انتي ناسيه شي ولامقصره بشي
خيتي ترا الرجال مومثل بعض
فيه الي يطلع من بيت ابوه لبيت زوجته وهو مايفهم بالحياه الزوجيه الاالفراش والمصروف
وفيه الي شي اسمه مصروف مايعرفه
وفيه الي يعامل الزوجه بكل تقدير واحترام
وفيه الي عنده الزوجه مخلوق مستحقر اصابع ايدك مو مثل بعض
ولاتقارني حياتك بحيات غيرك راح تتعبي

غاليتي ادري ان كلامي مو مرتب الي حبيت اوصله لك ان
اهم شي بالحياه الزوجيه المصاااااارحه بينك وبينه
لاتكوني سليطه لسان راح ينفر منك
لاتحققي معه وينك وينك وينك وينك راح ينفر منك
افتحي له قلبك خليه يحس بااالاامك وجرحه لك
قولي له ابي حل يااتترك هالطريق يااخبر اهلي واهلك
وكثري من الدعاء ولااستغفااااااااااار
الجئي لله فالرخا يعينك فالشده
ولاتيئسين ابد
اتمنى لك التوفيق بحياتك

خيتك ســــــــــراب

ربي يساعدك خيتو
بس اتمنى ماتعممين كل البنآت وتقولين هن الخطاء للاسف
الخطاء وارد من الطرفين كل من رضي ان يعيش
لحظه بالحرام سواء مكالمه او..او... لآن للاسف مـــــآفي خوف من الله عزوجل

عموما نصيحتي لك لآ تفتشين وتبحثين ورآه لآنك والله العظيم رآح تتعبي وماهو
حل ابد راح يتفنن في طرق الاخفاء قوليله ادري انك تسوي كذا لكن مابيدي الا الدعاء
وطنشي خليه يكلم لين يتعب ويمل وانتي الجأي لربك وسوي واجبآتك بس
وحذاري تفكرين بالطلآق لآنه حيآه أخرى مو بحل ابد...

اسأل الله لكِ رآحـــــة البآل والتوفيق...والله معــآك ي عسل...لآ تضيقين خلقك...

فعلا إنها من العادات القبيحه والغير لائقه ولاألوم الزوجه في أي تصرف تقوم به تجاه زوجها إذا كان يمارس هذه العاده ويتحدث إلى إمرأه أخرى إذا فلماذا تتزوج وترتبط بإمرأة إذا كنت تعاني من هذه الآفه وتسبب لزوجتك المسكينه المعاناة والمشاكل وهي لم تجبرك على نفسها فإتق الله أيها الزوج وأترك هذا الطريق الذي يؤدي في النهايه إلى دمار وتشتت الأسره ..............