رساله بشأن السجين ، فك الله قيده

رسالة إلى الشيخ منصور العرادي البلوي .. بشأن السجين فك الله قيده






علّها تجد من يوصلها له .. والمعذره حيلتي بعد الله لساني

ياطير ياللي في جناحك ترفّا "=" افزع على اللي لاحق ٍ حاله الجور
افزع قبل ما دم قلبه يجفّا "=" افزع خوافي خاطري قامت تثور

من الحسا هذا سلام ٍ مصفّا "=" ومن دون جده لا تونّا ولا تخور

وازبن على اللي بالمهمات كفّا "=" واقصد من اربع الموالين منصور

ياشيخ تكفا ثم تكفا وتكفا "=" لا ينتثر دم بلوي بات معسور

ابوك ياجعله بجنه يزفّا "=" له راية ٍ بيضا على كل مضرور

هذا بلوي شفّا على الموت شفّا "=" والفزعه الله ثم ها لشيخ منصور

تكفا تفكه ثم تكفا وتكفا "=" شرهة بنيخي ما تعشّم بك قصور

حمدان عبدالرحمن الفريعي

ليت الرساله تصل

صح لسانك والله يفكه ويحفظه

كل عام وانت بخير

قصيــــــــــدهـ .. معبرهـ جداً

وبأذن الله أنها ستصل إلى أبو ثامـــــــــر ..

سلمان العرادي

الله يكون بالعون
وان شالله تصل الرساله

اسئل الله العلي القدير ان يفك اسره وان توصل القصيده للاخ منصورالبلوي
وان شاء الله مايقصر

حمدان كن بالقلب
عبدالله

السلام عليكم ورحمة الله وبركاته
يعطيك العافيه يابو عبدالرحمن...وانشاء تصل الرساله