[قصة وقصيدة]النشيفــة 00 قصة وقصيـــدة

بسم الله الرحمن الرحيم

قال هذه القصيدة الشاعر / ضيف الله صالح فرحان العنزي .. عند زيارته لقرية النشيفة

وما وجده من حسن إستقبال وكرم عند عشيرة الشــوامـا :

قال الذي بالقيل ياخذ طريفه = اليا بدا تهون صعبات الأمثــــــــال
ماهن علينا لابدينا كليــــفه = اليا بديت القيل والـّـفت بالحـــــــال
آخذ سمين القاف وأترك ضعيفه = وانـقــّـحه عن قول في منطقه عال
ومن بعد وزن القاف خوف إتحريفـه = مـجـّـدت في قافي كريمين الأسبال
ياطيب ربع ٍ جيتهم بالنشيفه = ربـعن لهم في قمة المجد مــنزال
ربعن لهم فعل المكارم وظيفه = من ماضي التاريخ واليوم لازال
أهل المكارم والـنفـوس العفيفـة= قولة هلا بالضيف عاده للأبطال
ربع أبوشامه كالسيوف الرهيفة =بالحرب شجعان وللطيب بـــــــذال
الطيب كنه بينهم بالنصيفه =بشيبانهم وشبابهم وايضا ً الأطـفال
الضيف لاجاهم ربيعه وريفه =وناسه وفنجال من كيف بـــــــدلال
وحـلو نبـأ وترحيب بنفس خفيـفه =وبعده صياني فوقها عــتـين اجلال
مجالس فيها سوالف طريفـه =تــونس الـلي قــبلـها ضايــق الــبال
وعد الخيال اللي جذبني رفيفـه =برق سرى بخيال من خلفه اخيال
صلوا على اللي للمكارم خليفه =نبيــنا شفيـــعنا يــــــوم الأهـــوال

ابو شامه

الشوامه يستاهلون وصح لسان الشاعر ضيف الله العنزي

سلمت يدك لنقل هذه القصيده


ونقلت لمكانها المناسب

دمت بخير

السلام عليكم ورحمة الله وبركاته
الله يسلمك يالألبد ويعطيك العافية على التنسيق وماقصرت ولك تحياتي

ابوشامه

سلمت يمينك على القصيده ويستاهلون المدح الشوامين
دمت بهذا التالق
عبدالله الوحيشي

ابو شامه الله يعطيك الف عافيه
وقصيدة رائعه وصح لسان قائلها
الشوامه يستاهلون كل طيب
وتقبل خالص مودتي وتقديري

والله والنعم بالشواما وأهل النشيفه كلهم

الكرم والشهامه ماهي غريبه على الشواما


يستاهلون المدح والعلم الطيب

مشكور أبو شامه على نقل هذه القصيده الرائعه

والشكر موصول لقائلها الشاعر ضيف الله العنزي