مرثــية الشاعر / عبـدالله سـليمان عطـاالله العُثمـاني بعد وفاة نـادر صالح العثمــاني

راح الــذي لا جـــار وقــتي نصـــيته
كــان الوحــيد الــي بعــد ربي القــاه

مـا أجمـلك ي عمـرن بقــربه قضيته
ومـا أقسساك ي وقــتن ذبحني بفرقاه

يا ويــل ويـلـي يافــهــد لا طــريته
يضيق بي كوني من اقصاه ل أدنـاه

لـــو طــال عمــري يافهــد مانسيته
الاخ لا راح { الاخو } كيـف ينـساه

تــدري وش الـــي ميـــزه لا لفــيته
خلق. و أدب. والديـن ساسه ومبداه

مانعـترض وما قــال ربي رضيته
مؤمن بمــن كون الكــون وأنشــاه

يالله عســـى في جنــة الخـــلد بيته
ويالله عســى في جنـــة الخلد مثواه

صح لسانك .. ولسان الشاعر .. نتمنى أن نرى له قصائد أخرى ..

يالله عســـى في جنــة الخـــلد بيته
ويالله عســى في جنـــة الخلد مثواه

الله يرحمه بواسع رحمته .

لاهنت يابو سليمان على هـ القصيده

وشكراً لك يابو عابد على نشر القصيده ونبي الجديد من ابو سليمان