أرحــل مــدام الله كتـبـلـك

مــا يفـضـح الـلـي يـحـب إلا آخــر اللحـظـات
لا مــــد كــفــه بــالــوداع وصــــد فـعـيـونــه

معلـن رايـات الأسـى وجيـش مـن العـبـرات
وبـيــن الحـنـايـا صـهـيـل خـيــول مـحـزونــه

سلام.. سلام ياللي ناوي الفرقا عدد ما فـات
وتـعـداد مــا مــر السـحـاب وهـلَّـت مـزونــه

سـلام مــن قـلـب سكنـتـه أنــت والحـسـرات
غــلاي تكـفـى يــا مـــودِّع نـاظــري صـونــه

أرحـل وأنـا برحـل معـي هـم وتعـب وسكـات
وأســرار مــا بيـنـي وبـيـن الــروح مدفـونـه

أرحــل مــدام الله كتـبـلـك يالحـبـيـب شـتــات
مـالـي عـلـى حـكــم الـقــدر راي ولا مـونــه

مـالـي بـعـدك إلا الصـبـر ومـجـاذب الـونَّـات
وقـصـيـدي يـالـلـي كـــل خـلــق الله يغـنـونـه

وإن طالت الغيبة أبا أنعي الحـب لـو مامـات
عـسـى الـهـوا بــك يشتـعـل وتــردك ظنـونـه

بحاول أنسى ولو يصيح الشوق أبيك هيهات
وبحاول أسلـى ولـو يصيـح القلـب مـا خونـه

السلام عليكم ورحمة الله وبركاته

سلطانة

صح لسانك

ويعطيك العافيه قصيده جزله

لكن من صاحب القصيده الله لا يهينك

صح لسانِك على القصيدهـ الجميلهـ

حقيقة كلمات وقفت عندها كلها
روعه ونحن نرحب احر ترحيب بكل
مبدع متمني لك طيب الاقامة في
منتداك وبين اخوانك

غــلاي تكـفـى يــا مـــودِّع نـاظــري صـونــه



كلام اكثر من جميل

ننتظر المزيد

يعرب تسلم على مرورك
لكن لا افيدك من هو صاحب القصيده
ويعطيك العافيه على ردك