"خذها " للشاعر مرضي البلوي

خذها .. على الذرعان مني وانا اخوك ..
خذها وانا مرضي ( وسيع البنايد )
:
لا خير في دنيا بها الحر ، مملوك
ولا خير في نظم الشعر والقصايد
عمامك ، وجدك هل الطيب وابوك
( يستاهلون النعم ، والنعم كايد )
:
من ساس قوم ان صار ماصار فكوك ..
وقت الرخآآ ولا بوقت / الشدايد
بلي ولا يلحق بلي ربعي شكوك
قبل الصحافه تنخلق ، والجرايد
:
ربعي صحابه منهم ومنهم ملوك
رح أنشد التاريخ ، كاانه محايد -
والعلم لهل العرف ياخوي متروك ..
وانصحك كثر الهرج ، مابه فوايد ..
:
وانصحك ، رحب بالنشاما ليا جوك ..
( حافظ على سلم العرب والعوايد )
ودون الكرامه ..لو وطت رجلك الشوك
ولا وطت ياخوي رجلك ( وقايد )
:
بتعيش عز الله ولاعاش صعلوك
( باع الكرامه وانثنى للوسايد )

,
,

قصيده جزله والله يعطيك العافيه

يعطيك العافية

ودون الكرامه ..لو وطت رجلك الشوك
ولا وطت ياخوي رجلك ( وقايد )
(بيت =100 بيت)يعطيك العافية وصح لسان الشاعر على هذه الابيات الجزله والنادرة

أبيات رائعة وقصيدة جزلة

مرضي شاعر جزل ولا هي غريبه عليه الجزاله

صح لسانه مليون