أمشي والقدر يمشي
أمشي والقدر يمشي ولا أدْرِي عن المقسوم=ولا أدْرِي متى أرحَل عَن الدِّنيا و اخلّيها
شِربْت المُر وِ لْحالي شِربْت الحالي المسموم=اداويها قلوب النَّاس اسامحها و اداريها
اشيل الهَمِّ عَن خِلّي يضايقني وهُو مَهمُوم=ولمَّا ضِيقتي جَتني يعَايرنِي انا فيها
لاتساوم على المقسوم لا ترافق كثير اللوم=لاترافق رفيق اليوم بايعها و شاريها
اذا شِفت البحر هايج تَركَّد لا تجيه تعوم=تَركَّد لا رِكَد و احذَر من امواجه تخاويها
اللي يَرغب السِلعَه عليها لا يقل السُّوم=سِلعَه سوقها الموروث ساس الطيب راعيها
ماينفع خبيث السَّاس نَسقي عِرقَه المسقوم=تَبقَى الحَنضلَه مُرَّه و مَانَا ما يحلِّيها
حِنّا في بلي التاريخ رَبعٍ للمروَّه قُوم=نَفرح في قدوم الضَّيف والجيرَه نوفِّيها
مَا نَبخَس حقوق النَّاس واللي طيبهم معلوم=ناسٍ قِد عَطَتنا الطيب فاح اليوم طاريها
حَظ اللي لقاه الموت وهُو في دنيتَه مَحشوم=مايترك حقوق الله حقوق النَّاس قاضيها
خالد البلوي
رد مع اقتباس
.png)
المشاركة الأصلية كتبت بواسطة حامد بن راشد الوابصي
المفضلات