محاوره جديده: بين ( الشاعر: محمد الروقي العتيبي ، وعايد الســميري )

اعضاء ومشرفين وزوار هذا الصرح الشامخ
اليكم
هذه المحاوره والتي كانت
بين الشاعر : محمد الروقي العتيبي ( ابن البادبه )
وعايد السميري
عسى ان ينال رضاكم واعجابكم وشكراً لكم على مروركم المشرف
__________________________________________________

ابن الباديه

انا الليله نويت ارقا واعدي عالي المرقاب
................................ ابا ارسمها على خط المعاني والمكار ادور
ابا من يفرق السلعه ويرضي خاطر الجلاب
................................. ترا البيعة تكسب في ثواني والمكار ادور
* * *
عايد السميري

على الله وكل الله يامحمد وافتل الأشناب
............................... تباها صن والا حكم ثاني والمكار ادور
مدامك جبتها سوق الغلا حنا فتحنا الباب
............................... وخذ لك كاش يافلان الفلاني والمكار ادور
* * *
ابن البادية

انا اعرفها على الله كلها والنار والشباب
............................... حداني يالسميري وش حداني والمكار ادور
ونا بعتك وبيعي يالسميري فيه سبع اسباب
............................... بعد حضي عصاني ثم عصاني والمكار ادور
* * *
عايد السميري

انا ادريبك فطين وتعرف الخنجر من المشعاب
............................... لكن الوقت هذا مقلباني والمكار ادور
وانا منك اشتريت السلعه اللي بين ناب وناب
.............................. ومالومك مادام الحظ داني والمكار ادور
* * *
ابن البادية

فداك افداك تستاهل مدام ان الفريق اقراب
............................... اعرفنك رفيق ومودماني والمكار ادور
يسما الصقر صقر اومخلبه للصيده المخلاب
............................... ونا ماودي اكشفها ابلساني والمكار ادور
* * *
عايد السميري

تقوله ياوسيع المعرفه وانته ورا الأطناب
................................ تقلب مع مسيقة دن دناني والمكار ادور
وانا بزيدك من الشعر بيت إن الغراب غراب
................................ نعرف الصقر ونعرف الهداني والمكار ادور
* * *
ابن البادية

اباها ترتفع ماترتخي يالشاعر العاب
................................ تراها قد جرت للي نواني والمكار ادور
انا ادراها وزينها وبعدها عن المشهاب
................................ وحب الذئب واحب الحصاني والمكار ادور
* * *
عايد السميري

ليا ناظــرت فوق تشوف نجمي مرتفع ماغاب
............................... انا والطيب وسهيل اليماني والمكار ادور
انا ماقول لك صادق ولا باقول لك كذاب
.............................. ولا نقول انك أناني اناني والمكار ادور
* * *
ابن البادية

انا خابرك من صغرك حبيب اوللحبيب احباب
.............................. عداك العيب يالحر العماني والمكار ادور
ولالي في مديح ٍ يالسميري مايجيب انصاب
.............................. تراني للعلوم الي مااداني والمكار ادور
* * *
عايد السميري

انا مالي حبيب الا رسول الله واحب كتاب
............................ كتاب الله ولا أحب الأغاني والمكار ادور
يقولون العرب من دون فاس يعـوّد الحطاب
............................ بلا حزمة حطب والعمر فاني والمكار ادور
* * *
ابن البادية

ونا ماقلت لك كافر علامك ترفع السباب
.......................... ترا لو ظقت اقص الك الاذاني والمكار ادور
ونا ياخوك لاسارق ولا ملحد ولا حباب
........................... ولا لوطي ولا قد قيل زاني والمكار ادور
* * *
عايد السميري

مثل ماقال بوش الابن عن صدامنا .. نصاب
........................... وجر الحبل ياويل السواني والمكار ادور
الا واخوفي انك بالحويه او بواد ارحاب
........................... على برميل مندي برمضاني والمكار ادور
* * *
ابن البادية

الايابوش جيت وجابك الله والرسن قضاب
............................ ابيك اتصير معيه مطوعاني والمكار ادور
صحيح اني على البرميل ارص الجفر بالمنساب
............................ من ام الدوم وازبن للمحاني والمكار ادور
* * *
عايد السميري

ضربنا لك مثل والياك بس ا تدوّر المجناب
......................... لكن والله لوريك الجناني والمكار ادور
أنا أحسّبك من فريس روق اثرك فرخ عقاب
........................ دفنت أفعول جدك بالمثاني والمكار ادور
* * *
ابن البادية

خويي لاتجاهل علمي اضربك على الطبطاب
.............................. هذا علمي وبا اضمن به ضماني والمكار ادور
سرا الساري على الرجلين لاموتر ولا دباب
............................... وهي تتليه مع حزم ٍ طماني والمكار ادور
* * *
عايد السميري

ترا لولا اعتقاد الشيعي إن الشيخ بالسرداب
................................ ماصارن عشره اليوم بثماني والمكار ادور
سرا الساري على صوت أم خمس وللقاء حراب
...............................وأنا وش لي بحزمك وأم هاني والمكار ادور
* * *
ابن البادية

ابا اختمها وبا اهديلك نصيحه لا تج المحراب
...............................تظيق الناس وتصير انت جاني والمكار ادور
تقوم الك القبيله كلها بالماقف الغصاب
................................ بعد ضيعت علمي والمكاني والمكار ادور
* * *
عايد السميري

على التقوى وانا من خلقتي مامن سنون الداب
......................... وأخاف أصدف لرميه من جباني والمكار ادور
عسى المولى يجنب مملكتنا شلة الأرهاب
........................ مطاوعة اليهود وقوم خاني والمكار ادور
______________________


/
م
ن
ق
و
ل
__________
عايد السميري