سلمان قايد تمجدته التواريخ
تاقف معه خنذف وتاقف شبابه
ايران لوتدعم الحوثي صواريخ
لو نه يجينا نولع في ثيابه
الجيش موجود وركابه مناويخ
دون الحرم سيفنا نمسك نصابه
الجيش مطنوخ والقاده مطانيخ
دون الوطن شعبنا من يعتزابه
الحوثي اللي تخرج من مصاليخ
المطعم ايوكل اللي فك بابه
قواتنا تلطخه بدم تلطيخ
ماينفعه لو يزود في زهابه
صالح من النار وجهه به منافيخ
جاء مملكتنا وداوت له صوابه
واليوم كنه يعيش بسطح مريخ
ناسي مواقيفنا هذا الزلابه
حد الوطن من يجي يطا بتفخيخ
دون الوطن لازم يلاقي عذابه
الشاعر / مسند دعيس البلوي
يادار دونك تاقف قلوب ورجال
شعب وملك نرد كيد الحقودي
لو هي تروح أرواحنا ونرخص المال
وقت المحن حنا لعينك جنودي
نقص الشراذم ونمنعه كل دجال
ونقطع دابر كل مجرم حسودي
يالمملكه انتي الغاليه بكل الأحوال
هذا شعوري وإحساس منهو سعودي
عليك مانرضى من الضيم مثقال
تدرين وصانا قديم الجدودي
على أرضك مشينا وحققنا الآمال
يادرة بلاد الله دايم تزودي
انتي الامان ومايجرحك غدر محتال
وإنتي الحنان اللي تعدى الحدودي
محمدسعدالعرادي
ناديت يا هادي و شجعاننا جوك
ابشر بعزك يا منادي بالاصوات
قال الملك سلمان والقول مبروك
من اليمن باللون الأحمر علامات
يالحوثي اللي يدفعك من يغشوك
ما تدري ان قلب الموازين صعبات
ماتلتوي ذراع العرب وانت صعلوك
ايــران ما تنفعك يا راعـي القـــات
جاك القرار الي على بصمة ملوك
عليه من سلمان نظره وبصمات
البارحـه فـي عتمة الليل دكــوك
وأول مسـاك بدك كــل المطارات
الشاعر : سالم عواد ابو جنيب العطوي
سمع صداها البيت الأبيض وبكين
والروس وعيال الثعل من صداها
تحمل شعار الحق والجار والدين
يوم انتخاء بسلمان حقق مناها
الفيصلي نسل الشيوخ السلاطين
ضرباتهم توجع على من بغاها
مليكنا سلمان ياحي ذا العين
بأمرك وتوجيهك ترانا انتباها
بالعرف والحكمة تقود الحكيمين
ووجهت ذرات الهواء في سماها
في معركة حسم ً بوجه المعادين
رتبت للخطه وكل ً قراها
يبثها العالم بوسط الدواوين
ويدريبها النائم ويصحي وراها
جوهم صقور المملكه كالشياهين
ودكوا عدو الله داخل حماها
آليا رتكوا بالجو جتك البركين
زلزالها بالأرض نوخ اعداها
قدامها نخله ومن تحت سيفين
ومن فوقها التوحيد ربي بناها
حنا سعوط اللي برأسه شياطين
حتى الجنون اللي برأسه نباها
في عاصفة حزم ًعليها العناوين
روح التكاتف بين ً في عطاها
والمملكه هي والخليج المسمين
ومصر والاردن عاليا ً مستواها
تلاحموا لحمة عرب للمسلمين
ولبو نداء جار آلوطن وقصراها
لان اليمن غالي علينا من سنين
وحنا مواقفنا تلبي نداها
حنا وطن شامخ بكل القوانين
وحد الوطن وأرواحنا من فداها
حنا ورى سلمان ماشين هالحين
ونحور الأعداء واطيين ً لحاها
الشعب ورجال الوطن مستعدين
ويحرم على الخائن يقرب ثراها
الشاعر/سعود فهد الحريري العنزي
المفضلات