ارقبت لي رجم

ارقبت لي رجم تطاول على تل
غرب الاعيلي من شمالي شيبه
عشبه طماس من المطر تو مبتل
للسيل وسماً في مجاري شعيبه
أخذت فوقه ساعتين او اقل
لما شعاع الشمس اقبل مغيبه
لقيت بك يارجم طباً لمعتل
من بعد ميس من علاجه طبيبه
حاله غدى من جاير الوقت منسل
وظروف مرت في حياته عصيبه
لولا رقيتك يارجم ماتبدل
وظعي وغيرك يارجم ويش ابي به
دورت في بعض الاوادم على حل
اغراب ولا من ربوع قريبه
على امل نلقى بهم مزبن وضل
وصدورهم للي تضايق رحيبه
أثري قلوب الناس مليانتاً غل
خسران من دور جزاة لطيبه
اطيبهم اللي لا نخيته وهو زل
كنه غدى ديان وانا الطليبه
تليت رجلي والامل يمهم تل
والعمر روح في رجا الناس سيبه
واليوم جيتك يارجم ودي اهل
مدامعاً فوقك تهامل سريبه
وارفع يديني للولي عز وجل
يجبر مصابي والجروح العطيبه

# وازن ابو شامه


ملاحظه: الموقع المقصود يقع بمحمية الحرة بمنطقة الجوف

صح لسانك ياوازن ابوشامه على هذه القصيدة الاكثر من رائعة

الله عليك يابو شامة ابداع صح السانك أثري قلوب الناس مليانتاً غل انشهد انها مليانه غل وحقد وكرة

صح لسانك أخوي وزان

الله عليك يابو شامة ابداع صح السانك أثري قلوب الناس مليانتاً غل انشهد انها مليانه غل وحقد وكرة

يا صاحبي ان كان لك حقاً يبين
أقدم على ربعك وصل العلومي

الحق من دون الحجج والبراهين
ماينصف الرجال ويقضي لزومي

والهرجه العوجا تخل الموازين
وتخل عادات العرب والسلومي

لاصار خصمك مايهاب الميادين
بالعقل والحكمه حقك يدومي

سعود بن مظهر

صح لسانك وسلم بيانك

الله يعطيك العافية