الماضي المجهول

لاتفتحين الجرح يا يابنت تكفين=والماضي المجهول لاتذكرينه
على وتر حساس قمتي تدقين=مايطربك يابنت لوتسمعينه
وتر ترافق ننغمته دمعت العين= ارجوك طيعيني ولا تعزفينه
ابنصحك يابنت كانك تطيعين=وش لك بشٍ صعب ماتفهمينه
لاتنبشين الجرح ويصير جرحين=والمنزل المهجور لاتطرقينه
مقفلً بابه قبل عشرة سنين=مبطي وهو مصكوك لاتقربينه
مقفلٍ باالشمع الاحمروقفلين=والقفل بالريموت ماتفتحينه
بيتٍ هله راحو عن الدار مقفين=خالي وباقي كنهم ساكنينه
تظم جدرانه صور للمحبين=وحروفهم في داخله ناقشينه
تلقين ذكرياتهم قبل اللفين=ونقوشهم قبل الوداع الحزينه
كلمة وفاءمدونه بين قوسين=وقلوب تنزف تشتكي لي سجينه
رسمه بها نار ولهيب البراكين=ورسمه بهاقلبين داخل مدينه
اهناك جنه وبتسامه وحرفين=هناطفل تذرف من الدمع عينه
وهناك ورده نابته بين قلبين=وهنا خفوقٍ وردته في يدينه
طفلين يبنون المنازل من الطين=غابه ؟طفل في وسطها تاركينه
خطوة وداع مخيره بين دربين=بحار يلعبه شراع السفينه
يعني يضم اطلال ناسٍ عزيزين=يانسه تبطين ماتدخلينه
مادام ماطعتي وانااقول تكفين=المبتلي يابنت لاتجرحينه
تحملي جاك الذي تستحقين=من خافقٍ على القسى تجبرينه
توكلي الله معك لاتردين=ودربٍ مشيته جنبي لاتجينه

السلام عليكم ورحمة الله وبركاته

الغالي عوده ثاني

قصيده مجنونه بروعة جنونك

كن باالقلب عمي العزيز

أبو ريــان الالبد ..

كم هو جميل أن أتستظل بفيء صفحتك .. لحفنة من الوقت ..

أطيب الـمُــنــى ،،

سلمان العرادي

السلام عليكم ورحمة الله وبركاته

الشاعر الرائع
عودة بــن ثانــي
قصيـــدة رائعـــة
مــن شاعــر رائــع
صــح لسانـــك

لاهنــت

ابو ريان
صح لسانك
قصيد ة رائعة ومعبرة
فيها صورة وروح الشعر الجميل

دعها تلمس هذة الجراح حتى نستمتع نحن بهذا العزف ابو ريان لك (خصوصيه ممتعة)