الجوهره عن قدرها نقصوها
الشاعر/
سلطان مفضي الجعفري العنزي
شاعر من قبيلة عريقه
ويمتاز الشاعر بالشجاعه والطيب والكرم
ورجل ذو اخلاق راقيه واليكم احدى قصايده
----------
ياعيال ياللي تكتبون المجارات
خلوا هزيله والجزيله جبوها
نبغا الكلام اللي سواة الجنيهات
جواهرن نقادها مانقدوها
اخاف تفقد وزنها بعض الابيات
اللي على بيض الورق سجلوها
نوادر المعنى بحورن غزيرات
دراسها لوترجمة مادرسوها
وأنا الذي عن الخطا قلت بالذات
لامانةً لصحابها سلموها
وأنظارنا عن القريب بعيدات
نغلق جميع ابوابها لفتحوها
ان كانها تطرح علينا السوالات
قلت ابشروا وصدوركم وسعوها
ثم اسمعوا مني صحيح الاجابات
لامن شينين النوايا نفوها
وقفت دون اللي تهم المقالات
اللي تنافيل المساعي مشوها
ناسن بهم على اللوازم مسرات
ياما أعتلوا روس الطوال اورقوها
والطيبة لوهي من اقصى الحضارات
اعزها وأشهد لبوها وخوها
ماني على حق الاجاويد سكات
عسى الحيا يسقي بلادن وطوها
والنار لعلوم المراجل علامات
لاضيعوا هل الركايب نصوها
لاشك مامدح عابدين الريالات
الناس فيهم مالقيته لقوها
ليه على بعض المخاليق ردات
لوجابوا أعلى خيلهم وركبوها
وأنا عن الهين دروبي عسيرات
ان فيضوا وديان وأن سندوها
الصحف تنشر ماتقول الروايات
وإلياختلف لهجاتها ترجموها
بيني وبين انظار غيري مسافات
الجوهره عن قدرها نقصوها
وخذت في بحر الهواجيس جولات
سعايرن وسط الفوأد اشعلوها
والقصد واضح ماعليه اختلافات
حقايقن كل الخلايق قروها
الشاعر
سلطان مفضي الجعفري العنزي
التعديل الأخير تم بواسطة سعود عقيل بن مظهر السحيمي ; 02-25-2016 الساعة 11:49 PM
ل
الذين يشاهدون الموضوع الآن: 1 (0 من الأعضاء و 1 زائر)
ضوابط المشاركة
هذا الموقع برعاية
شبكة الوتين
|
رد مع اقتباس
المفضلات