الملك للمالك

الملك للمالك ************************* إن ضاقت فجوج بالك يالله الخيره ===ياضيقة البال فال الله ولافالك وان ضاق فيك الوساع الله ولاغيره ===لله ولا فزعه تطري على بالك خلك مع الله بتهليله وتكبيره ===وأستغفره وبتهل له يقبل أعمالك حتى ولو شفت مايدعو الى الحيره ===خلك بحالك وخل الملك للمالك الناس في حكمة المولى وتدبيره===ماتشتري حكم التدبير بريالك وعن حاجة الناس نفسك خلها أميره ===حتى ولو أنها حاجه من عيالك ومن العطايا يغث البال تأثيره ===لاتلحق المن مامديت من مالك واللي يبا المدح يتعب له مظاهيره ===يقولو العارفين افعل ويحكالك والجود وده عن الذرعان تشميره ===غنايم الجود من عمك ومن خالك واللي يقدرك من واجبك تقديره ===ولاتقدر اللي تشوفه طاوي اعزالك وكلن تواريه من منهاج تفكيره ===ولاكل من يسمعك يطرب الموالك وياكم فاهم وتعمي ضوه الغيره ===وده من اللي بصدره يقطع ارسالك واللي ندم واعتذر تقبل معاذيره ===العفو والصفح من شيمتك ومثالك الجرح يبرى الي كررت تطهيره ===ويمكن يزيد المرض نتيجة اهمالك قلته وأنا معترف في كل تقصيره ===لكن أحاسيس نفسي بينت ذلك

الشاعر الكبير عيد قيضي مرحبا بعودتك

نعذر لك طول الغياب مدام عدت لنا بهذه المعزوفه الجميله

كما عودتنا لاتطرح من الشعر الا أجزله

شكراً لك ابو كرم