ســـــــــــقـــــــــوط بـــغــــداد

سقوط بغداد

هاجس في ضميري زاد عيني سهر=كل مانظر الى بغداد دمعي يزيد
يوم جيش المحرر يحرقون البشر=يقتلون العجوز ويحرقون الوليد
حسبي الله على الطاغوت راس الكفر=كل عام على الكفار شره يزيد
نطلب الله يخذلهم عزيز القدر=هازم الفرس والاحزاب باسه شديد
شوف صدام وقت الحرب راح انتحر=طاح تمثاله اللي من نحاس وحديد
خانه القايد اللي يوم عاهد غدر=من يخون الوطن عله بنار الوقيد
لعنة الله على الخاين بكل البشر=له من الله لعنه كل يومن تعيد
يامحمد كثير الناس تاه وكفر=وانحرف فكرهم مع دين بوش الجديد
دالهن في حياته مثل ثور البقر=متبع النفس شهوتها وقلبه بليد
والليلي تعدي بين يوم وشهر=كل ما يفعله فيها يسجل رصيــــــــد
ما حسب يومه اللي في لحود القبر=راح ماله وصدقانه وضلا وحيد
ياهل الدين هبوا واحذرومن سقر=وقدها الناس واكوام الحجر والحديد
قبل نشر الصحايف عند رب البشر=من هدي فاز والعاصي حسابه شديد
ارفعو راية الاسلام حتى النصر=وافعلو فعل علي وخالد ابن الوليد
نصر والا شهاده بالجنان الخضر=حي ما مات يرزق عند ربه سعيد
تم قولي واصلي عد وبل المطر=على سيد البشر أقول قولي واعيد

الشاعر الشيخ : احمد بن محمد بن رفاده

قصيدة رائعه تعبر عن الواقع اليوم

صـــــــــــح............لسانـــــــــك

و

ولســـــــان الشيخ احـــــــمد

تم التوثيق وشكر الله لك
http://www.bluwe.com/articles.php?articleId=94

الله يعطيك العافيه يا ابن الجزل

وهذه عادة الشيوخ اللي يكون في داخلهم يتحول الى شعر وصح لسانك يا ابن رفاده
اصيل وابن اصل
تحياتي لك يا ابن رفاده
ابن رويحل

صح لسانك
يعطيك العافيه

صح السان شاعرنا

ويعطيك العافيه
ابن الجزل