خافقي يمطر شعوره

أبيات جادت بها قريحتي على البحر الرباعي أو كما يسميه البعض المروبع
أتمنى أن تروق لكم وتنال إعجابكم :



ليلنا للحِس صايد ................ والغلا بين القصايد

والوفا والطيب سايد ................. بيننا والإحترام



خافقي يمطر شعوره ............غيثَه الليله سروره

وانبلَج للقاف نوره .................. بين زخَّات الغمام



جيتكم مذنب وتايب .. مِن همومي اليوم شايب

حَظِّنا حاضر وغايب ................ مَامْشي إلاَّ للأمام



إسألوني عَن حروفي ..... ليه شوقي زاد خوفي

حَتَّى لو زانت ظروفي ............. ليه ما ودِّي أنام



خايف بحلمي تجيني ........... يَدَّها تَمسِك يِديني

تَطلب الإحساس فيني ...... تِرتِجي مِنِّي اهتمام



وحِسِّي عاجِز بالحقيقَه ........ بَعد ما ضَيَّع طِريقَه

زادَه الإهمال ضيقَه .......... وصام عَن كل الكلام



طَبعَها كانت خجولَه ........... والحيا فيني رجولَه

طيرنا ماحدٍ يطولَه ..... في سِما الإحساس حام



في شِتاها كان صيفي ...... وَردَها طاح بخريفي

سيلها لا سال ضيفي ........ مال فيني واستقام



صَمْتَها أَرْسَل قصيدَه .......... نُونَها ساعي بِريدَه

زاد في قلبي رِصيدَه .......... عِشقَها وَرَدَّ السَّلام



والسَّحاب اللي سِقاني ....... مِن هَواها ما رواني

وادعي مِن بين الأماني ...... نِلتقي بوادي الغَرام



مِن مشاعرها القريحَه ....... واعتبرها لي نِصيحَه

لا تبين ولا صريحَه ............. خافقي عالي المقام



عشقنا بين الحكاوي ...... وشهو بالدنيا يساوي

عِنْد عاشِق والاَّ هاوي ........ والحلال اصبَح حرام



كان حاكم في زِمانَه .......... إعتلى قَدرَه و شانَه

جانا من يشغل مكانه ....... حَتَّى لو للشَّعب ضام



شَعبَه احساسِي وفؤادي .. وخاطري فيه انتقادي

رَغْم عَدلَه واجتهادي ....... عِشْنَا في ضِيم وظلام


خالد البلوي