تحليل الوضع العربى الآن من خلال مدمن واتساب سوداني..؟؟

يعكس واقع الدول العربية من خلال مواقفها السياسية وعاداتها الثقافية والاجتماعية..

▪السعودية : مشرفة القروب وبي حقها وكل الاعضاء بيزوروها
ومستغلة كمان موقعها في نصصص الحلة..

▪مصر : مجتهدة انها تأخد صلاحية الاشراف مع السعودية ...
بس السعودية فاهماها كويييس وعارفها لو لقت فرصة اول حاجة بتعملها بتحذف السعودية نفسها
من القروب وبتبقي المشرفة الوحيدة واحتمااال ترجع السعودية لاحقا عضو بس في القروب

▪السودان : كان محذوف من المجموعة وتمت اعادته مؤخرا ..
وهسة هو خلي الرسائل الكان بينسخها زمان ديك ..
وبقي بالكتيير كده بعمل تذكير بسورة الملك بالليل عشان يذكر اخوانه
المرطبين ديك بالموت ويحولوا ليهو رصيد في تلفونه السوداني

▪الاردن : دي بس كمان تشيل وتنقل في الرسائل من القروب ده
لجارتها المقاطعنها العرب ديك ..
الله يخربك ام (بحر ميت)

▪سوريا :تم حذفها من المجموعة بسبب عمايلها

▪المغرب : دي بس تشيل وتقرأ في الرسائل ما عندها مشاركة نهائي

▪لبنان : دي عاجباها روحها وساعة والتاني ترسل في صورها ..
ما شغالة بمواضيع النقاش بتاعت القروب ومرات تتخيلها عندها سلوك (عريانة)
لمن يكون في موضوع جاد وتلقاها (عمبتحكي) عن الموضة والمواضيع الناعمة

▪الصومال : ما عنده حق النت عشان يشارك في القروب

▪الامارات : دي مصاحبة مشرفة القروب (السعودية) واليوم كلو داخلة معاها في الخاص
(عليك الله كان ما حذفتي ده وحظرتي دي)

▪تونس: الادمن حظرها بسبب كترة الرسائل الصوتية وهي تترجا في الادمن في الخاص ..
(خليني احكي.. خليني اقول خليني اتكلم برشا برشا )

▪اليمن : تحولوا من (رسائل ) (الحكم) الي (قذائف) (الحرب)

▪قطر : خلت المشاركة في القروب لأنو اي كلام تكتبه ممكن جيرانها
بفسروهو غلط... وهي قلبها ابيض ومسكينة وما عاوزة مشاكل

▪جيبوتي : حتى اللحظة ما عارفة نفسها مضافة في هذا القروب

▪موريتانيا : تشيل وترسل في الشعر والقصائد من الصباح

▪البحرين : دي صغيرة واهلها مضيقين عليها في حكاية استخدام الموبايل والنت ..
عشان كده ما بتظهر كتير ...

▪العراق : حردان من المشاركة عشان زمان بسبب شكلته مع الناخبين ...
حرضوا عليهو امريكا ووقفوا معاها ضده

▪الجزائر : عاوز يشارك بس ما لاقي ناس يتكلموا معاهو بالفرنسي

▪ليبيا : ما معروف الموبايل مع منو؟

▪سلطنة عمان : قاعدة طرف البحر وما شغالة ليك بحكاية النت والقروب ده اصلا

▪الكويت : كلما يضيفوها تغادر تاني .. قالت قروب فيهو مشاكل ولا توجد حلول

▪فلسطين : قاعدة في السجن وفي السجن استخدام الموبايل ممنوع..
ولكم تحيات
ماجد البلوي