غازي
الله لايحرمك اجره ... ويجمعك معه في عليين........ ...
في ذكرى وفـــــــات ابني .. فهــــــــد .. اثر حادث اليــــــــــــم خارج المملكة ....
واطيري اللي راح واوميت واوميت=واغطش عليه ادموع عيني سرابه
عليه ذبلت حالتي واضمحليت = مثل اضمحلت جلد شنت ربابه
ماسالين ياطـــــــــــــير لوني تسليت = حزن المفارق محزنة ماسلابه
اذكر خيالك كل ماجيت واقفيت = واذكر سلامك ياهلا فيك بابه
واقفيت عني ياحبيبي وانا اقفيت = حال اللحد بيني وبينك اترابه
قفيت ساتر دمعتي مثل ماجيت= والله عليم القلب واللي صلابه
لو التمني ايفيد يــــــاما تمنيت = مافادني والجرح ينزف صوابه
لو ليت تنفع قلت ياليت ياليــــــــت = ماظن قولت ليت فيها صبابه
اقضي نهاري بالعنا والتناهيت =وارقد مع الهاجوس واعيش كابه
لواهبن على الحشى مثل كبريت= غاز الجبيل اللي سريع اشتبابه
واكن دمعة مقلتي كل ماجيت = عن المعادي والاهل والقرابه
ادرابها عن حاقدين التشاميت = والا صديقن مايسرن عذابه
لو التمني يعيد محبوبي الميت = صبيتهن صبات حبر الكتابه
مالك زماني في عذابي تماديت = شين العزيز اليا زمانه عدابه
انت اللذي دمرتني كيف ماشيت = والا العدو يموت سمه ابنابه
اشكي على اللي سامكن قبة البيت = انه ايخفف من حزن ماقضا به
اللهم ثبتنا على الحق ماحيينا واجعلنا من عباادك الصالحين
غازي
الله لايحرمك اجره ... ويجمعك معه في عليين........ ...
غازي معيصير
صح لسانك ومازود على كلام اخوي ابوفالح إلا امين يارب العالمين
عبدالله
اخوي غازي
نص مؤثر وصادر من اقصى اعماق القلب
لاحرمك الله الاجر وجمعك به في جنات النعيم
السلام عليكم ورحمة الله وبركاته
غازي معيصير..قصيده مؤثره..لاحرمك الله اجره
ابو فالح /
اخوي العزيز . بارك الله فيك . وتقبل منك ..
لك مودتي
اللهم ثبتنا على الحق ماحيينا واجعلنا من عباادك الصالحين
الذين يشاهدون الموضوع الآن: 1 (0 من الأعضاء و 1 زائر)
المفضلات