حسن الجوار للشاعر نايف راجي العنزي

معكم الشاعر صويلح صالح العبيلي وحبيت اشارككم قصيده لجار عزيز معروف بالوفاء وحسن الجوار وارسل لي هالقصيده




تكلم الشاعر عن حسن الجوار:.

قالو: تبيع البيت قلت(لا) مابيعـه
أخاف مالقى جار مثل (ابوفواز)

***
ومثل (ابوثامر) و (الوجيه المنيعه)
اللي لهم في قمة المجد مركاز

***
بجوارهم مرت سنين (ن) سريعه
تقل إنها يومين بجوار الأعزاز

***
من زود حشمتهم وحسن الطبيعه
في وسطهم كني على زل شيراز

***
ياواحد الأعمار عنده وديعـــــه
طالبك تجعلهم ضمن فايز(ن) فاز

***
غناه بالدنيا عريضه وسيعــــه
وبالاخره جنه بها افراد واجواز

***
وياعل يفداهم خبيث الطبيعــه
اللي على الجيران هماز لماز

***
الجار له حق(ن) بحكم الشريعـه
في محكم التنزيل مذكور بايجاز

***
والسنه الغرا توضح صنيعــــه
بغا يورث ضمن الادنين لو جاز

***
وختامها صلو على من نطيعه
من بعد طاعة منزل آيات الإعجاز



الشاعر : نايف راجي الطويلعي العنزي