منظومة اللي مادري

أبياتي اللي جبتها من هيامي
منظومة اللي مادرى تغني كثير

تقدر توازن ما تشوف بكلامي
واللي يتوارى تتركه دون تأثير

ما طوّحت إنسان بالفعل شامي
ما لوّنت معروفها بالمعاذير

إن ما تنامت ما محاها غمامي
كل ماتغنّى صدقها بالتعابير

الشعر نامي يوم هالصدق نامي
ما نقّصه آرآء والّا أساطير

هوّه مع الأذواق كنّه حيامي
يجيك بالتقدير ويروح تقدير

يفرض على الغاوين كل إحترامي
يبقى مع الايام ما فيه تغير

حين تعرف من لاج فوق المقامي
ما انته بحاجة شارحين المقادير

ابعد عن التقصير و الإنهزامي
دور من يروم الهضاب المزاخير

خلّك على هقوات بعد المرامي
لا تلتفت لدّانيه و القواصير

معروف إمداد الحِكَم مستدامي
معروف منهو ردّها فاله قصير

اللّه حط النبع إلكل ضامي
لكن يجيب النبع طول المشاوير




#محمود_الميهوبي