بلي الشهامه

الفكر متمدد وحوّل على جال
متعدد بطوله ومنجي بطوله

الهاجس اللي هام ما مره اختال
يختار من أوسط صوافي ذهوله

ايوزّن المدح المبقّى بالاكيال
وينزع من صدور المعاني مهوله

تلٍّ مسيّر ماهو بقيل أو قال
من جوف ما ولّع بصدري ميوله

بلي العروبه والبطوله والاجيال
واللي مايوفيها مديحٍ نقوله

بلي النجوم البارقه حل واطلال
بلي الفخامه والنقى والبطوله

بلي الشهامه والزعامه والاسبال
والهامه اللي ماتطال بسهوله

افخم من اللي بساحة الشعر ينقال
وان قلت ماطلته ولاني بطوله

/محمود الميهوبي