إيه أحبك / للشاعر: منيف مناحي منقره البلوي

اهديكم ثاني قصيده للشاعر الكبير المبدع بالمحاوره والفيلسوف بالنظم شاعر الشمال : منيف منقره البلوي
!
!

إيه احبك حب هايل وبسرف = حب دايم حب لا يوم النشور
في حياتي كنت لي أغلا هدف = ماتغيرني السنين ولا الشهور
لو تمر ايام وسنينٍ عجف =حافظٍ حبك ولك نفس الشعور
كل يومٍ من محبتك اغترف = بالخفاء وبمواجهك ماني جسور
مع خيالك في خيالي معتكف = عايشٍ في جنه وباني قصور
صرت مع تيار حبك منجرف = مالحقني من هواك ايا فتور
بس ماصرحت لك يال الأسف = كنت خايف من عواقيب الأمور
وكان حبي حب من واحد طرف = لكن اني كنت متحمل صبور
ويوم لمتنا الليالي والصدف = ياعساني لا تعذرت معذور
حان وقت الاعتراف ابغى اعترف = اعترف لك واعتذر كلي قصور
سيدي اقولها ولي الشرف = بعد خمس سنين نويت العبور
هات يدك وخذ يدي لا ترتجف = في حماي انقذك من غب البحور
ياشبيه الظبي لامنه عطف = وبندق القناص من خلفه تثور
رد له بعيار ثاني واختلف = ومد عنقه بالفلا وشاف الطيور
هاله الموقف وعّود ونحرف = ثم طق الفوز والممشى حدور
انت مثله بس وضعك يختلف = انت خدك تنقطف منه الزهور
ونظرتك فيها مع الفتنه تلف = كبرياء ولا وصل حد الغرور
ولك قوامٍ رايعٍ ماينوصف= وصلتين وبينهن خصر مهصور
من يشوفك لاتلومه لا وقف = قامت الدنيا به تلف وتدور
والله اني في غرامك محترف = ما أطاوع فيك صاحب كل شور
بس غاب الحظ ملعون الجدف = ليت حظي بالسنه مره يزور

بـس غـاب الحـظ ملعـون الجـدف=
ليـت حظـي بالسنـه مــره يــزور

يسلموووووووووووووووووو عايد على هالقصيده من جد رووووووووووووعه
وياليت المزيد من شعر منيف ترى من جد له قصايد تاخذ العقل والقلب معها
تحياتي لك مع خالص شكري تقديري لك

صح لسانك ايه المبدع منيف


والف شكر لك ياعايد السميري

السلام عليكم ورحمة الله وبركاته

لقد غاب عنا الشاعر منيف وله وحشه هو وشعره


نتمنى ان تنشر لهذا الشاعر المزيد

مشكور

عايد السميري يعطيك الف عافيه

والله ما قصرت

امتعتنا بقصايد الشاعر المحبوب

منيف مناحي


ولك تحياتي.

دائما رائع واللي يجيبها اروع
للك خالص الشكر اخوي عايد