.......قصيده لشاعر ..... منيف مناحي منقره البلوي

هذه قصيده للشاعر : منيف مناحي
اهديها لمنتدى بلي ولجمهور منيف
وللأخ والأستاذ / موسى ربيع البلوي . مع التحيه

عزاه انا عزاه عزاه عزاه = من صيحةٍ من سمعها صد عنها
وعزي لمن مثلي زمانه توطاه= وان جاته الزله بصدره دفنها
يشيلها ويحطها داه برداه = غصباً عليه اليا اقبلت يحتضنها
العز اول بالرجاجيل تلقاه = تلقى رجالٍ تزّبن اللي زبنها
واليوم راع المال هو راعي الجاه = على أطيب المخلوق يامر وينها
وليا بغا له شي يشر لمخباه = له حاجةٍ تسعين واحد ضمنها
وليا تمنى حصل اللي تمناه = يشره على دقون العفين يحسنها
وليا عطاهم شي يمن ماعطاه = حاجه بخيسه والكرامه ثمنها
ومن قبل ماله كل شخص يتغاضاه = لو هو من الأقراب ماصار منها
كلٍ يكشر في حجاجه ليا جاه = والساعه اللي جابته له لعنها
وحتى اصدقاه اليا أفتقر صارو عداه = عوايد الأنذال تتبع زمنها
ماكنه بيوم من الأيام له جاه = وسيورهم ياما وياما دهنها
وماكن له مزنٍ عليهم نثر ماه = ودرت حلايبهم وشربو لبنها
وماكن طيبهم يجيه ايترجاه = حتى الجنازه يشتري له كفنها
نسيو مواقيفه ونسيو محياه = وذكر العلوم الماضيات يغبنها
وياصحابنا كلٍ ترانا عرفناه = وأهل الوطن لابد ترجع وطنها
وكلٍ عرفنا وشو اقصاه وادناه = الأجودي واللي الكرامه رهنها
وأنا أنا في ماقفي ماتعداه = تقرب وتبعد بس ماسك رسنها
واللي يسوي طيب بالطيب نجزاه = وكلٍ يشيل الوزنه اللي وزنها
واللي بدابه عيب عشنا بلياه = جثه فصلنا راسها عن بدنها

عايد السميري

صح لسانك

ولسان محبوبنا الشاعر منيف منقره

يعطيك العافيه

اخي عايد السميري

الله يعطيك العافيه

وصح اللسان الشاعر منيف منقره البلوي


ولك الشكر

يعطيك العافيه اخ عايد وصح اللسان شاعر المحاوره الكبير منيف منقره

الله يعطيك العافيه على هالقصيده لمنيف ابن منقره
الشاعر المعروف
واللي يسوي طيب بالطيب نجـزاه
وكلٍ يشيل الوزنـه اللـي وزنهـا
واللي بدابـه عيـب عشنـا بليـاه
جثه فصلنـا راسهـا عـن بدنهـا

صح لسانك يا منيف ابن منقره
وتحياتي لك عايد السميري

السلام عليكم ورحمة الله وبركاته

بارك الله فيك أخي عايد السميري
و صح لسانك و لسان الشاعر المفخره لنا جميعا : منيف منقره

و شكرا لك

و عساك دوم على القوه