آه ياضيـق الصـــدور..وآه ياكثـر الطـعـون ـــــ في زمانٍ فيه حتى كلمة أسف ماتفيد

ضـيـق الـصـدور<<<<.....................................< <

آه ياضـيـق الـصـدور .. وآه ياكـثـر الـطـعـون= فـي زمـانٍ فيـه حتـى كلمـة أسـف ماتفـيـد
الخطاء ضيفٍ تسكـع بيـن يمكـن / أو يكـون=ليـن قلنـا .. مرحبـا وأهليـن فيمـاً .. لا.. نـريـد
قـال مـن بـاب الميانـه / قلـت ياعمـي تـمـون=قال ياااطيبك .. ولـي فـي طيبتـك مغـزا بعيـد
قلت ..لا لا .. مايصيـر .. الضيـف لا يمكـن يخـون=وانت مرسولٍ مـن الغالـي ولـو باسـك شديـد
لكـن اسلـم لـي وسلـم .. لا وصلـت ابــو ....=ثـم قلـه ماهجيتـه / ...لا .. رثيـتـه بالقصـيـد
من سنه وأنا مهوجس .. بين / شكـي / والظنـون=لين طلت شمس صبحـي .. واشـرق العلـم الأكيـد
قلـت إن الـمـوت حــق .. وكلـنـا لذائـقـون=سكرآتـه لا تغلغـل .. بـيـن شـريـان ووريــد
وكلنـا مـن هــذه الدنـيـا .. لحـقـاً راحـلـون=ولا إلـه الا الله .. المعبـود واحنـا لــه عبـيـد
ومؤمـن (ن) إن البشـر .. يـوم القيامـه يبعـثـون=ومـن عمـل للأخـره فـي دنيتـه .. هـو السعيـد
وأن بالأثنيـن تـرفـع .. حسـنـات الصالـحـون=لـلإ لاه الواحـد المعبـود ..ذو العـرش المجـيـد
وأن أعمـال العبـاد .. الحاقـدون .. المبغـضـون=ترجـع اليـا مـن كـلٍ .. يلعـن ابليـس المـريـد
وأن / إن / وأن / إن / همزه / الـف / واو / نـون=يعنـي يكفـي ماسبـق .. او اليـكـم .. بالمـزيـد

ومــــــــع
.

مع ضجيج الناس شفت .. شايـبٍ يمشـي بهـون=حزن / ممزوج بوقـار..! قـال لـي أرجـوك عيـد

؟؟ قلت
.
.

قلت .. يااااضيق الصدور .. وآه .. ياكثر الطعون=فـي زمـانٍ فيـه حتـى .. كلمـة آســف ماتفـيـد
إن قرينـا / ماكتبنـا... وان كتبـنـا / يمسـحـون=وان ركضنا / ماوصلنا .. وان وصلنا / وش تريد..؟
وان حكينا / ما أحد يصمت .. وان صمتنا / منطووون=وان عطينـا / ماعطينـا .. لا رصيـد / ولا رصيـد
وان شكينـا قالـو إنــا .. شـعـراء وهائـمـون=يتبعنـا كـل غـاوي .. والغـوى دربــه مـديـد
والآلم / يجتـاااااح رجـلٍ .. دمـع عـزه مايهـون=له مقـام / ولـه مقـال .. وعـن دروبـه مايحيـد
مايهمـه .. مايهمـه .. فـي غيـابـه يفـرحـون=حكمته في هالحياه .. ( فراق بعـض النـاس عيـد )
وصفق الشايب .. وقال .. آآآه.. ياكثر الطعـون=من ولييييد .. وطاح يبكي .. قلت / ( لا ) ياابو وليد

عايد السميري
________________

صح اللسانك


بصراحة قصيدة مؤثره

وتشكر عليها

الاخ عايد السميري

يعطيك العافيه

الله يعطيك العافيه

صح لسانك

صح السانك وتسلم اناملك....

السلام عليكم ورحمة الله وبركاته

عايد قصيده رائعه

الله عليك يا عايد وين مختفي عنا من زمان انت
الله يقويك وتجيب كمان من القصايد الحلووووه
تحياتي لكم من صميم قلبي