&&&& شيــخ و نقيــب&&&&

زان ليلي, وامسكت روحي مفاتيح الكتابه=لا اجتمع شمل الثلاثه , ودّ المعنى وجيب
مجهر الجمهور مِشرط يفضح بجرحه صوابه=يا كبر وقع المصيبه مع عدم ستر الطبيب
للقصايد فن, والشعار ترصدهم رقابه=ماتبي شاعر بيوته "ياتصيب ويا تخيب"
قال أبوي اللي مشى له درب لا يتعب ركابه=لين يلفي وافهم الأمثال يا لعقل اللبيب
كان يا ما كان ذيب استوحش الليل وعوابه=نبّه النايم عليه وجابه يجره صويب
وش يفيده بعد موته لا غدا جلده ربابه=كان ذيب ولا بقى من ورثه إلا جلد ذيب
قالها كنه يلمح لي عن الشعر ونصابه=ما تجيب الزبده إلا بعد ما تجيب الحليب
هذا يعني من يدق الباب يستحمل جوابه=لا يدق الباب قبل يهندس البيت العطيب
فِهم ابوي وفِهم جدي ما لحق فِهم الصحابه=و لالحقنا أجدادنا لو راس واحدنا يشيب
كانوا أرباب الحكي لو هم قصايدهم تشابه=السجّّل صدورهم والمعني مايخطي يصيب
وهي كذا الدنيا عمل والخير يستوفي ثوابه=تكدح يدين الخلايق و الله بفضله يثيب
أما بعد:أشوف عيني للسهر فيها طرابه=وفيها من عين الخفير اللي محسّب للرقيب
والثنا لأصدق رحم يبقى وتملاه الصبابه=يوم أبوي استمسكت يمناه بالركن المهيب
الرجال بكل عشيره عَدّهم محدٍ وفابه=واذكر أولهم خوالي, سم لعيون الحريب
عزوتي يحفظهم الله صاروا رموز النجابه=حي هالجين الوارثي والنجيب من النجيب
قالوا إن الزين غالي بس الأزين ينحكابه=والنجوم نجوم,لكن الجدي منها عجيب
استعدي يالحروف وجيبي لشعري زهابه=و استميتي بالقلم يبني لكِ البيت الرهيب
خطي اسم "ابوسجى" تلقين لكِ عز ومهابه=القلم يجري نهر والحرف كالغصن الرطيب
خطي اسمه وابشري بوسام يصدر من حسابه=بالورق تنبت رياض يجول فيها العندليب
هذا خالي راس مالي شيخ ربعه في شبابه=والله إنه خالي من عذروب لأمثاله يعيب
هذا من ضحكه حجاجه يعلن إعدام الكأبه=هذا سهل وممتنع ويحلحل الأمر الصعيب
عنبر اسمه عطّر الأبيات لو فيهل غرابه=الغريب أسلوبها و أبوسجى ما هو غريب
أجودي من جود كفه تنكسر عين السحابه=لا مشى بالقاع تلقى موضع أقدامه خصيب
متزن صادق صدوق الصدق حتى في سرابه=صاحب الوقفات بالضيقات والوقت العصيب
ما تحلا بالعطا ألا واحداً يعطي ثيابه="في ثيابه شيخ وإن مازرّر ثيابه نقيب"
التواضع والشهامه سر كلمة يا هلا به=والمحاسن والسعه شريان للصدر الرحيب
صار قمة, فيه كل الناس تجمعهم قرابه=هوه مثال الطيب واللي طاب من طيبه يطيب
الذهب وزنه ذهب وابوسجى كلاً درابه=ماتغير من عرفته هوه على ماهو حبيب
الفخر والمجد والإحسان عنهم بالنيابه=اكتب بخالي قصيده ترسخ براس الأديب
ما مدحته لو مدحته ماتجمل مع جنابه=يكفي أفكاري عليه تنافس أفكار الخطيب
وهاجسي لوما سقيته قال قلبي مرحبابه=يستقي صافي زلال يجّم في قلب القِليب
كل نبأ له مُستقّر, وكل بيت أدق بابه=لين اشدّه واحكمه واحسب حسابات الحسيب
أما بيت يسرني معناه وأطرب لإنسيابه=وألا يعطيني قفاه احسن لي واحسن له يغيب
ما تحمّل بيت تلحقني من اسبابه معابه=لا ولا اماري عليه ومِشرط الناقد قريب
وشاعر يجيب النهايه عكس ماقال وبدابه=يحمل أسفاره بلاش يريب وألا يستريب
تمت ومهداه للي جابه الشعر وغدابه=مايجيب أعماق "ديوان العرب"غير العريب

الشاعـــــر:[blink]عبداللــه محمـــود البلـــوي[/blink]

ياسر حمدان
شكرا لاتحافنا بروائع الشاعر عبد الله محمود..وفقك الله

عبدالله محمود البلوي
لله درك....مااجزلك ومااجزل ماتكتب...لاغرابة فهذا الشبل من ذاك الاسد.
مليون نعم فيك وبخالك عبدالله ...ومليون رحمة على والدك .
مليون شكر للاخ ياسرحمدان
تقبلا مودتي وتحياتي

ياسلام ياسلام


بدت تظهر الدرر الثمينه

وقمنا نتنفس شعراً

بهذا القسم الأن استطيع ان اجد ضالتي

والله اني كنت عارف ان ربعي عندهم من القصيد اللي يشرف ويرفع الراس


قصيده عجيبه عجيبه ويعلم الله انها جزله


اخي ياسر مشكور على الأختيار الرائع والنقل الموفق


والف صح لسان الشاعر : عبد الله محمود البلوي

الاستاذ قاسم :لاشكرعلى واجب ومرورك يشرفني
ابوفالح:تسلم على المرور والرد والله يرحمه محمود الجحرش ويسكنه الجنه
الشاعر المتألق عايد السميري:الف شكر على المرور واسعدني مرورك وردك

انتظروااااااااا جديدنا مع الشاعر :عبدالله محمودالبلوي

اخوي ياسر
يعطيك الف عافيه على هذه القصيده الرائعه
بصراحه من اجمل ماقرأت مؤخراً
صح لسان الشاعر عبدالله محمود البلوي