محاورة بين الجبرتي والمسعودي

الجبرتي

يا سـلام الله بقـاف تولـع منـه نـار == واستمع في جابتي يا ولد وافطـن لهـا
أنت ثوبك فيـه بنزيـن والبنزيـن ثـار == والمطافي تطفي النار لـو ترسـل لهـا


المسعودي

مرحبا يا الشاعر اللـي يقررهـا قـرار == والمكاسـب فـي جيوبـه ومتحثلـهـا
لو عيونك شوفها زيـن وتحـق العيـار == كان مـا دورت مـن للطريـق يدلهـا


الجبرتـي

عز حال اللي يبي منك فكـره وافتكـار == ضاعت أفكارك وضاعت علومـك كلهـا
وأنت سنـك وشكلـك وشغلاتـك كبـار == شي تحايلها وشي مـا قـدرت تحلهـا


المسعودي

يا الجبرتـي لا تغبـر ويعميـك الغبـار == لا يقع روحك تحسب الغبار أحسن لهـا
وأنت شايب وأبيض الشيب لأصحابه وقار == وأن دعيت أليا كرامه سريع أعجل لهـا



الجبرتـي

الكرامـة للرياجيـل فـي كـل الديـار == والرجال الطيبيـن الكـرم يحفـل لهـا
حط لـي وقعـك بيمنـاك وألا باليسـار == والدوادي يا ابن مستـور عنـي خلهـا



المسعودي

بعض هرج الليل زبده يميعهـا النهـار == شجرتك اللي ظليلـه تشـح بظـل لهـا
البخيـل الله يعافيـك بيتـه بيـت فـار == من هنا يحفـر مـن هنـا يدفـن لهـا

احمد مصيليح العرادي
سلمت اخوي احمد
محاوره زينه وجزله بس ودي انها كانت اطول من ذلك
عموما انت ماقصرت والله يعطيك العافيه
ولاتبخل علينا من محاورات
لك الشكر
ودمت
عبدالله

شكرا اخي عبدالله على مرورك المشرف لي
اخوي انا لقيتها في احدى المنتديات الشعرية واعجبتني وانا اخوك والمعذرة
ولكن اعدك اخي بالجديد

احمد بن مصيليح
محاورهـ اكثر من رائعه
ننتظر جديدكـ

شكرا اخي ياسر حمدان
على مرورك المشرف لي واعدك بالجديد باذن الله