يابوي..لا تزعل

أحبابي أعضاء منتدى بلي
استاذنكم جميعاً با الخروج بقلب أبيض واقسم لكم با الله على ذلك
ومع الف سلامه

لبارحه للضيق حدبي معازيب=والقلب نار دلاال بن الشكاير
والنوم شافن به عيو ني عذاريب=عن مارده يابوي جفل زعاير
من وقتي اللي ماصفت به مشاريب=بيضه يجني مثل سوده ضراير
عن شف قلبي جن لياله مغاريب=با العكس جني با الرزايا خطاير
يامابه احلاماً بعوج السراديب=ان نمت مانامت بليلي ساهاير
اسهرتها يابوي لجل المطاليب=اللي توصينا عليها صغاير
واليوم شوفك فوق كتفه مصاويب=الله من وقتاً با الاحلام جاير
وقتاً خذلنا في بطون النواجيب=كم هقوتاً نصفق عليها الحساير
ياما رفعنا به هل الروس ونخيب=من عقب ماهم لثقيله ذخاير
وياما تتبعنا النسب من نواسيب=وياما لقينا باخر العرق باير
وياما وقفنا في دروب الحواسيب=على بقايا محتمين العشاير
وياما دخل قلبي من الشك والريب=ولاني بمليوماً اذا قلت حاير
لاصارسيني وين نسل الضواريب=ما شوف كله عن نسبهم مغاير
ان ذيلوجيمه بسود الغرابيب=ما الحقتهن با الصدق مني هزاير
والله لولا الناريضرب بها الطيب=لا قول ما ولدن وكانن عقاير
على الاصابع محتمين المواجيب=ماقول مابه من على السلم ساير
كم صيرمي(ن) زم نفسه عن العيب=حاش المراجل واعتلا كل ناير
لكن بلايه من وجيه(ن) عواقيب=وعلى رماد النار هدم الزباير
اللي بهذا الوقت لحيه واشانيب=هي فرقهم عن نا سعات الظفاير
لاشفتهم قلت الرجال الذواريب=فرسانها يوم اشهب الملح ثاير
وليا بخصناهم هياكل اخاشيب=مسنده في روس موتى ضماير
حياتهم تشبه حياة الدغاليب=مرهونت(ن) بقواع سود الحفاير
زانت لهم دنيا وجونا با ساليب=با سم الحضاره جالبين النكاير
يابوي لاتزعل على ديرة الذيب=ترضى عليها لو سكنت العماير
لو من مفاليها تجي لك مناويب=خسارتك يابوي ماهي خساير
يابوي حنا الحضر حنا الذواهيب=لاتخدعك فينا وجيهاً نضاير
يابوي ثارت با الصدور المزاهيب=وصرنا بحر من دون شط وجزاير
ياكثرما حناعليها مغاليب=راضينها في وجه ماهو سفاير
لاشك خلك با البداوه على الطيب=عن عولمة يا بوي عمي البصاير
يابوي لك منزال حضن المراقيب=أخير من قصراً به الحوش داير
ومنامك اللي فوق هاك الجراعيب=الذ من نوم الغرف والسراير
وصبحاً يفجه صوت نجر المحاديب=ماهو عوضبه صبح صمت الحضاير
يابوي والله منصفتنا المواريب=هذا وحنا با الوجيه البراير
ياما صبرنا والزعل شالح الجيب=وياما أنكسرنا والعزوم الجباير
لاشك يالي تعلم الجهر والغيب=يامرسلاً ليوب نذر البشاير
تجعل لنا في يوم حشرك مكاتيب=فيها نماري يوم كشف الستاير
يارب جعل أيماننا للمكاتيب=با الساعه اللي با الشمال الخساير

الرائع منصور قصيدة جزله رائعه تنم عن قدرة شاعرها مبدع يا منصور ولي الشرف أن اكون أول الحاضرين دمت مبدعاً

الرائع منصور العثماني
صح لسانك وسلم بنانك
على هذه القصيدة الجزلة والثمينة
وياليت توضح عن قصدك بالاستئذان بالخروج واسبابه ومدته
وشكرا لك ودمت بخير

منصــــــــــور العثماني ..

ماذا عساي أن أقول أيها العـذب ..
وبجلال الله أنني تنفست شعراً هُـنـــــــــا ..

أطيب الـمُــنــى ،،

سلمان العرادي

الاخ منصور
الله لايهينك لافض فوك .
الان ياسيدي لاتستطيع الخروج لانك تغلغلت فينا واصبحت تشغل حيزاً كبيراً في هذا الصرح الشامخ .. قد نسمح لك باستراحة المحارب . بانتظارك .

شاعرنا الغالي
مــــــنــــــــصــــور
قصيده جزله تحمل في طياتها الكثير من المعاني
كعادتك مبدع

ورائع بكل ماتعنيه الكلمه من معنا
لن تغيب ولن نسمح بذلك

تقبل محبة وتقدير
اخوووووك

عبدالله