مـســاحــة لـلـجـنـون ..!

نقشت اسمي على كف الحبيبه حلم مدري علم =انا عايش بها ذكرى ولوكانت من احلامي
انا من حبكم يازين عايش في غمامة ظلم=واكبر ظلم جاني تركتك ليه بأوهامي
وانا ماقلت هذا ياحياتي لجل اصور فلم = ترى هذي حقيقه عشتها من واقع ايامي

.

قبل أسافر كنت جالس في زمان الانتظار=أرتشف هم المكان وكل همي حاجتين
كنت خايف من يباس وكنت خايف من خضار =كنت أخاف انك تجين وكنت خايف ما تجين
لين شفتك من ورى بيبان صالات المطار =مقبله من كثر شوقك كنت أشوفك تركضين
مرة ركضك يمين ونظرة عيونك يسار=ومرة ركضك يسار ونظرة عيونك يمين
خايفة وجله حزينه .. يعني كنتي باختصار=تشرحين لكل عاشق معنى كلمة عاشقين
بعدها جيتك ولدّت عينك ودار الحوار=من كفوفي دمعتين ومن كفوفك دمعتين
كنت أصد وكنتي انتي ثايره مثل الشرار=وما على لتغة لسانك غير كلمة وين وين ؟
وأذكر إني رحت دون ابدي لك أي اعتذار =رحت حتى قبل أطيب خاطرك في كلمتين
لكن أنتي عارفتني زين واللي صار صار=سامحيني واذكريني قد ما انتي تقدرين
أذكريني لا انتهت للشمس رحلة مع نهار=اذكريني لاصحا للصبح ورد الياسمين
واذكريني لا لمحتي في ليالي البرق نار=وأذكريني لا سمعتي للمطر صوووت حزين ..

جنون غير طبيعي لـ فهد المساعد

أجمل مافي الجنون فهد المساعد

والجميل عطاء احمد شاهر لكل مجنون

//.////.///.///.///

طفل صغير أنولـــد
حبى..

مشى..

طــــاح

وكانت الطيحة عذاب .

//.////.///.///.///

في عيني تغيب الشمس .. وتشرق في عيني

في ناظري للشمس ..موتٍ ii وميلاد

لليل في دمعي سنا .. ii نجمتيني

وللصبح في جفني شفق هم ii وسهاد

كن السهر دربٍ عليه اب تجيني

ولا ودي اقطع درب لاماك برقاد

ياللي جميع الناس بينك ii وبيني

وكل لحظةٍ أنا انتظر منك ii ميعاد

عذري لياسي منك..انك ii تبيني

خنت الرجا..وان صنت لي عهد ii ووداد

لمبسمك ترخص غوالي ii سنيني

جرحي يهون وجاير الشوق يزداد

ولمصافحك ربي خلق لي ii يميني

امـــــــــــــــدها لك وصل وامدها ابعاد


******************************


((أعجبتني من إبداع الشاعر الأمير/ بدر بن عبدالمحسن)

أني أرى مع الجنون إبداع فإذا كان الجنون يولد كل هذا الإبداع
اللهم زدنا على جنونا جنونا......


==========================

ذكرتك
حبيبي لو قسى وقتي = علي ومالت سيوفه
سجين عيونك يحبك = ولكن صعبه ظروفه
****

ذكرتك والوتر يدري = ذكرتك والبدر كامل
أموت بحسنك السحري = موت وفيك ماأجامل

****
حبيبي ...والمسافه بيني وبينك = تجيب الياس
تأكد...مايخونك هالفؤاد = العاشق الحساس
****

زمن باعد مابين إثنين = يجِّس النبض بالقلبين
وإذا ياسيدي نصبر = على مرّ الزمان يلين
****

طيور الحب أحملها = غرام وزهرة الريحان
وفا من عاشق يحبك = ولاينساك مهما كان
****

ومن ينساك ياغالي = ياأحلى من الحلى الحالي
يافرصة عمر لو ضاعت = أعيش هموم غربالي

كنتم مع مساحه من جنون شاعرنا عبدالله محمود البلوي

كـــــــــــي لايندثر هذا الجنــــــــــون الإبـــــــــــداعي

	اذكــــــــر اني عام الأول كنت أســــــــــــــرح من خيالي أجمــــــل ...... أغلى ماتشيله في دفاترها بنيـَّـــــــــه من أغــــــــاني .. ومن أمـــــــــاني الله على ذااااااااك الجنــــــــــون المشتعـــــــــل ........ المرتمي داخــــــــــل مشاويري ودروبي اتجـــــــــــــاهاتي كثيره مره أسكن بــ.........اتجــــــــاه وأحيــــــــان يسكني اتجـــــــــــاه ورغم هذا .. وين ماأرحــــــــــل ؟! يرحــــــــــــــل جنوني معــــــــــاي ..

*********