يامحلا الفنجال

الملف الشخصي · 12-24-2007, 07:13 PM

يامحلا الفنجال من بعد مشوار=مزعفرن يبري الجروح العطيبه
ومهيلاً ومزود الهيل مسمار=والبن خبيرة هو اللي يجيبه
من سوق تاجر رافعن فيه الاسعار=زباينــه عليه مثل الزريبه
وزهم عليه وقال ابي بن وبهار=ومسمارهن والزعفران ابو شيبه
ومن دلتن صفراء على حاجر النار=وعلى اهل الطولات ماهي غريبه
وفي مجلسن مفتوح للضيف والجار=إلا الوجيه الفاشله ماتـــجي به
اهل النفاق وكل كاذب وثرثار=واللي على ربعة يجيب المصيبه
اللي علية موجهه كل الانظار=سيله مجنب مايجي مع شعيبه
هذا وانا ماني من الناس مختار=لكن الرجال لها سوالف عجيبه
بعض الرجال اقدره بس مقدار=واضحك على عقله ليابان عيبه
وبعض الرجال اعطيه صلبات الاشوار=واقدرة واشيمه واعتزي به
لكن هذاك اللي ليا صار ماصار=يبين لا جتك الظروف الصعيبه
ياخذ ويعطي مع طويلين الاشبار=اللي لهم عز ومعزه وهيبه
ماهو من اللي ياخذ يمين ويسار=ليا نصوه الناس عذره بجيبه

قصيدة للشاعر / سالم ابراهيم مرزق البلوي