محاوره بين شاعر وشجرة الطلح***

السلام عليكم ورحمة الله وبركاته***

أنقل لكم هذه المحاورة بين شاعر وشجرة الطلح عندما ضيع الشاعر
طيره وذهب يبحث عنه فلم يجده وقابل شجرة الطلح فسألها
أرجو ان تنال على اعجابكم ,,,,,,,,,,,,,,ولكم تحياتي

قال الشاعر:

الطلح مامرك مع الصبح صافي** طيرٍ غدا لي امس والشمس حيه

اتلى العهد به راح يطرد مقافي**خبري به اوما في جناحه هنيه
ورد الطلح:
لاوالله الا مرنا العصر وافي**كنه غلامٍ مستغير بهيه
اقبل علينا ثم اخذ بانحرافي**يوم الحباري وقعن له سويه
قال الشاعر:
يالطلح قل لي عل مابه خلافي**البارحه برد وشمالٍ قويه
كانه تعشى قلت عله عوافي **والحي يجمعه الولي مع خويه
ورد الطلح:
لاوالله الا صاد خرب متعافي**واخذ عليه من الثنادي شويه
لامفلسٍ مره ولاقال كافي **يوم اخلفنه عن عشاه حقبيه
قال الشاعر:
خابره والله قاطعٍ مايخافي **دايم على الصيده تجي له حميه
انشدك باللي منبتك بالسوافي**عساه في خيرٍ ولافيه سيه
رد الطلح:
خبري به اقرش في سبوقه خلافي**مابه بلا وامرح على هالحصيه
والفجر شخّص بالنواظر وشافي**طلعه بعيد ويمته ساحليه
قال الشاعر:
يالطلح ذا حبه ولاهو بخافي**متعادلٍ حبه بحب البنيه
بعض الطيور ان راح قلنا عوافي**لاشك هذا وين ابلقى حليه
رد الطلح:
اتعب عليه وعادت الحر يافي**اضرب سهلها والوعر والشقيه
يجيبه اللي رازقٍ هالعجافي** بهايمٍ تمشي على غير نيه
قال الشاعر:
يالطلح لك مني يابو غصن ضافي**لاجابه الله وكل نيه مطيه
لاجيك انا في موتر القش هافي**واسقيك هاللي باقي بتانكيه

وآطا على رملة سوافيك حافي**وكلٍ على ماقيل يذكر خويه

ابوعوووده
محاورهـ رائعة
لاهنت يالغلا
ننتظر جديدكـ

محمد عوده بن رفاده,,

الله الله , اثريك راعي ذوق ,

,

سمعتها صوتية من قبل . والان استمتعت بها مكتوبة ,

,

سلمت يمينك , والله يعطيك العافية ,

صاحب هذه الأبيات هوالشاعر حمد السعيد وقد سمع به أحد الأمراء وأهداه طيرا أفضلمنطيره

بوركت أبو عوده