ثورة قصيد .. " هذي بلي"

بسم الله الرحمن الرحيم



بدون مقدمـات

للعز ناس وللميادين فرسان=ودوم الثقيله ما لها إلا جملها
الشعر بحر وللمواقيف قيفان=والأروع اللي درته ينتشلها
والسهل يطفو فوق سطحه بالإمْكان=ايات شاعر لا وقف يرتجلها
وي والله إني جيت ضايق وزعلان=ويا قلب فج الضيق عني وقلها
ما هو عشاني .. بس ياقلب من شان=ما كون شيطانٍ سكت عن جُملها
ولا ياكم عديت من قول سفهان=و " سلاما " مني لا تبين جهلّها
ياكم ويا كم بس بالموقف الآن= لازم علومٍ مايلات نعدلها
لن البلا بقلوب ناسٍ وأعيان؟=ناسٍ تدس سمومها في عسلها
ناسٍ تلوك الحقد من بين الأسنان=ناسٍ مريضه ما تداوى عللها
والحين هاك العلم من قلب ولسان=صادق وعمر السالفه مافتعلها
واللي يطقطق للرجاجيل بيبان =لا جاته الكلمة غصب يحتملها
يا هيه .. ذي .."ياهيه" تعني .. يا إنسان=ابسط عبارات إحترامه قتلها
إعرف ترى ربعي طويلين الايمان=وصلوا مواصل قل منهو وصلها
ربعي بلي .. للعز والمجد والشان=رمز الشهامه والكرامه واهلها
ربعي مواقفهم على مر الأزمان=إلين أأأأأخر ناس يُكتب أجلها
أهل المواقف فالميادين شجعان=ما فيهم اللي يهابها ويختلها
ربعي هل التاريخ في ماضيٍ كان=قبل النبوه والرساله وأملها
بوقت العرب ما بين جورٍ وطغيان=وإبليس لأصنام المذله عقلها
جاها رسول الحق في خير الأديان=بالنور ظلمات القلوب يغسلها
ربعي بكل إخلاص للدين وإيمان=وقفت تدافع عن عقيده حملها
بغزوة بدر سطر لنا الوقت عنوان =روايةٍ كان المُجذر بطلها
ومن بعدها وقفات في كل ميدان =يوم المعارك دايره في عجلها
وبالتابعين .. ومن تبعهم بإحسان=ربعي لهم صولات محدٍ فعلها
وبالأندلس تشهد حضاره وتيجان=يوم القصور الزاهيات بحللها
كانوا أهل للعلم في ذيك الأوطان=أرض الحدائق والزهور ونفلها
وأمس القريب إنشد عنه إنت شيبان=وما تاه منهو جاء الرجال وسألها
وأعرفه عارف .. بس هالحسد يأخوان=يطحن بصدر الناس ساعة فشلها
ولا بلي ربعي هل العز والشأن=مافيه عاقل بالليالي جهلها
لكنّ بعض الناس في تال الأزمان=تظلم رجالٍ لجل تستر خللها
ولا ودي أشعل فتنه بذكر عربان=يكفيني أحرق بالفتن من شعلها
والشعر فني .. والقوافي والأوزان=ما عمر فكري بالمواقف خذلها
وللعز ناس وللميادين فرسان=ودوم الثقيله مالها إلا جملها

محبكم / أحمــد عايد البلوي


.

بغزوة بدر سطـر لنـا الوقـت عنـوان

روايــةٍ كــان المُـجـذر بطلـهـا

احمد الشعر

صح لسانك وسلم بمنانك

جزل جزل

جزل

الى مالا نهاية

وعاشت بلي دبت الايام منصورهـ

...

ثُلث شهداء بدر

.

وعاشت بلي دبت الايام منصورهـ

أحمد عايد

...

أيها العذب النقي

..

سجل إعجابي .. وإعجاب كل متذوق للشعر ..

قصيده قويه .. وحماسيه ..

والله ونعم فبلي ..

......

لي عوده أخيره .. أنتظرني

رضا

اخوي احمد الله يعطيك الف عافية على القصيدة الرائعه جدا ونريد المزيد

صح لسانك وسلم بنانك يالذيب

وبلي تاريخها معروف بالماضي والحاضر واللي يحاول يقلل منها يهبا لاهو ولاقبيلته اللي هو منها

كفيت ووفيت يااحمد البويني