موضوع متجدد ( الغـاز قديمه ) ... سارع بالدخول

مســــاكم الله بالخير

جايب لكم الليله موضوع غير بس مميز

هذا البارح يا طويلين العمر , كنت جالس انا ابو سليمان ( عبدالله الوحيشي ) , وجبنا طاري الالغاز( الغباوي ) القديمه , وفكرت انزل موضوع اجمع فيها اغلب الالغاز القديمه

بعضها من اللي اعرفها والباقي اخذته من الارشيف

المهم اللي يدخل لازم يحسب حسابه من الغبار

نبدأ بالالغاز ( الغباوي )

يا ما حجيتكم

الاول

روف روف يشرب شرب الخروف

الثاني

بحيص بحيص اربض يا تيس

الثالث

اربع زبادري بين السماء والوادي

الرابع

وش الشئ اللي يمشي ويدفن اثره

الخامس

اربع طق وخيط شنق وفنشتوه

السادس

وشو الشئ اللي تمسكه مع رجيلاته وتبرم اذيناته وياكل بسنيناته

السابع

سرمقاه لا لها ظل ولا مرقاه

الثامن

اسود سواد اللي , ينط نط الخيل , عشره يطردونه واثين يذبحونه

واللي عنده لايبخل علينا

تحيااااااتي لكم

محمد الرموثي

كح كح كح
مشكوووووووور
اخوي محمد على كمية الغبار

(يا ما حجيتكم) ههههههههههههه
خلهم يحلونها وبعدين يحلوا الألغاز

اهلا يا محمد يا قديم

رجعتنا ..للماضي القديم ..

وعن الغباوي ..والحجاوي ..

لا تنشـــــــــد !!

عن نفسي اعرفها كلها من الاول ..للثامن ..

قبل نشر الحل ..

ننتظر الاخوان وخصوصا الشفاويه ..

____

اشكرك ابا صالح

مشكور على احداث الموضوع , وارجوعدم الاستخفاف بالالغاز لانا ذلك ينعكس على ابأنا واجدادنا
واحب اظيف لغز : سلسله في كل وادي مرسله ؟؟؟؟؟

مشكور على احداث الموضوع , وارجوعدم الاستخفاف بالالغاز لانا ذلك ينعكس على ابأنا واجدادنا
واحب اظيف لغز : سلسله في كل وادي مرسله ؟؟؟؟؟

طلال

هلابك منور الموضوع

بالعكس حنا كذا نمجد ونحدث الالغاز القديمه


وبالنسبه للغزك , جاري البحث بالارشيف

الله يعطيك العافية أخي محمد الرموثي

لي عودة ..