ملك الانسانية
بسم الله الرحمن الرحيم
هذه القصيدة تشرفت بالقائها في احتفال قبيلة بلي ونشرت في جريدة المدينة
اتمنى ان تحوز على رضاكم
ســــــلام الله ســـــــلام الله ســلامٍ من صميم الذات"=" بيــــــوم شعــت انـــــــواره ســــعادة والسعــد فاله
تــبوك اليـــوم ممــطورة وتــرحب باجـمل الاصــوات"=" تــــراحيب يـــــرددهـا السهــل في شــامخ جبـــاله
تــــراحيبٍ بــها نـــود الهبــــوب تعــطر النـسمات"=" بــــريح الــــــورد والبـــخور وفــوح الهـيــل بدلاله
تـــراحيبٍ بـــها رجــال الشــمال تـغني العــرضات"=" تـــراحيبٍ بــها الطفــل الصــــغير يــــشيل مــواله
تراحيب بها بلي التاريخ تردد الشيلات"="من حدود البحر لين الشفا واديه وسهاله
هـــلا هـــلا هـــلا هـــلا هـــلا هـــلا عـــشر مرات"=" تـــرحيـب أميـــرنا وأهــــل الشمــال كبــار وأطفاله
هـــــلا فـــي سيدي صقــر العـــروبة كاسب الطولات"=" حـــبيب الشــعب أبو متعب وهـــــم في حسبة عياله
مــلكنا العادل الصــــــالح مــــــلكنا محـقق الهقوات"=" يـــسر العـــين بافـــــعاله ويـــسر القلـــــب باقواله
خـــادم مــكة خـــادم طــيبة ومطول فيهن السجدات"=" ولبـــيت الله وحـــجاجه بــــذل مـــــجهوده وحاله
لـــه انــجازات عمـــلاقة واخــرهن ساحة الجـمرات"=" ويـــــكفي عــــن بليغ القـــول ويــنبي شاهد أعماله
ملك الانســـــانية صـــــدق مــــــــثبت ثابت بثبات"=" انـــــسان وبــــالتواضع مـــــعلي الـــرحمن مــنزاله
كـــــريم وشـــامخ الهامـــة وتقـصر دونــه الهامــات"=" مــــــنهاج الحـــــق مـــــنهاجه في الاقــوال وافعاله
شـــــجاع ومـــخلص النـــيه حــكيم وثاقب النظرات"=" وهــو عــــز امة الاســـــلام ان مال الوقت بــاحماله
عــلى الاســـلام والامـــة حــريص ومخـلص الوقفات"=" وبــاب الخيــــر مـفـتاحه وبـــاب الشـــر مــــقفاله
شـــــديد بـموقف الشــدة عظيم ان عــظمت الازمات"=" رحـــيم بـــموطن الـــــرحمة كــبير ان كـبرت القالة
بـــه مــــن ابـوه الفــيصلي نــظره وهــــيبة ولمحات"=" فــعوله تـــــشبه فـــــعوله وخصــاله تــشبه خصاله
عــــبد العزيز الصــــــيرمي عـــــسى مــقره الجنات"=" اســطورة عــصرنا الحاضــر بالحكم ومـــضرب امثاله
مــؤســـس ممـــــلكتنا الغـــــالية ومـــوحد الاشتات"=" ووحـــــدتنا وعــــــــزتنا بفضــل الله ثــم افـــضاله
جــــــزاه الله بالــــغفران والاحــــسان والحـــسنات"=" بــــدرب الخيـــر وحــــدنا وبــنهجه ساروا عـــياله
ســــــلاطين الـــرجال اللـــي لهم في مجدنا صفحات"=" وخـــير لجــلينا الحـــــاضر وخــــير لمقــبل إجياله
عــسى الله يــنصر الحييـن وعسى الله يرحـم الأموات"=" ويـــطول عـمر أبــو مـتعب ونــعيش بـــخير بظـلاله
ويطـــول عــمر أبو خــــالد سلطان الجــود والفزعات"=" كــــريم ويزهى تــاج الجـــود وتـــاج الجود بــعقاله
سـلطان الخـــير رجـل الخير وجه الخير ابالخيرات"=" كــلامه خــــــير وفعـــــــله خـير وكل الخير بقباله
رعــــــاك الله يــا ســلطان ســلطان مــــطور القوات"=" رعــــــاك الله يــا رجــل الــدفاع وقــدوة رجـــــاله
رعــــــاك الله يــا درع البـــــلاد بحزة الشدات"="ياسيف القائد الاعلى وفيــك عـداءك مهتاله
وطـــــنا يـا وطــــنا في ســــــماك تــــرفرف الرايات"=" رايـــــات بـــكلمة التـــــوحيد وسيف الحق مختاله
وطـــن يــا مـــنبع الـــدين الحــنيف ومـهبط الايات"=" وطــن أفضــل نبــي وافضــل مســاجد وافضل رسالة
حــــموك جــــدودنا بــسـلاحهم في عصرك اللي فات"=" ومـــقدمهم أبــــو تركي زيــــزوم الحـــرب وابــطاله
لهـــم في ســـاحة الهيـــجاء صــــولة وطولة وجولات"=" حــياض المـوت داســوها مــن فـــوق الهجن وخيالة
واليــــوم فيــاضك مــريفه وغــصون اشجـارك مظلات"=" ونـــعيش بـــخير وبنـعمه ومــن الماء نــشرب زلالــه
وطـــــنا يا وطــــنا ما يــــهزك راعــــــي ارجـافات"=" هـــــبيل يــــــسوي الكـــــــذبه ويصدقها من هباله
وطــــــــنا يــا وطــــــــن راســي ولا تهتز بخيانات"=" ارهــــــابي فـــــجر ســــــلاحه في بني عمه وخاله
خــــايب خــايب خايب خايب لما يشبع من الخيبات"=" مـــــن ســـــلم عــقله لغــــــيره وســـلم حاله وماله
يـــــــصير اداة بـــــيديهم اداة يـــــــدار بالمـــوجات"=" عـــــلى حتفــــــه يــــدفونه مـــدف مــقيط وحباله
ولا يــــــبكيه غيــــــرامه تصـــيح وتــنثر العـــبرات"=" تـصيح وتـطلب مــــن الله يـــهديه ويـــصلح احواله
وصــــــلاة الله والتــسليم خــــــتام خــتـمة الابـيات"=" عــلى مـــحمد رســـــــول الله عـلى صحبة على اله
رد مع اقتباس
المفضلات