خذهـا وصـيـة

	يـا جيـل خـذهـا من مجـرب وصـيـه = خـذهـا وصـيـة واغـتـنمـهـا بـدنـيـاك اذكـر عزيـز الجـاه صبح وعـشـيـه = ولـيـا ذكــرة الـلَّّــه عــزك ونـجــاك واكـثر صلاتـك قـبل تـاتـي المـنـيـه = واحسن لوجه الله عسى يزين مثواك واحـرص عـلى ديـنك بهـذي وذيـه = حـتى تـنـال كـتـاب عـمـلـك بـيـمـناك ولـوالـديـك الـنـفـس دايــم رضـيـه = واطلب رضاهم قـبل لا تطـلب رضـاك وليـا عطـيـت احـذر تـمن الـعـطـيـه = مـا تـدفـعـه يـمـناك تجهّـلـه يـسـراك وليـا لفـيـت المجـلس الـق التـحـيـه = سلّـم عـلى المـوجـود هــذا كـمـا ذاك واحذر تجي في الهرجـه اللي لـويـه = تصـبح خطـيه واكـثر النـاس يجفـاك عامل جميع النـاس في حسـن نـيـه = حـتى تطـيـب الـنـفس ويطـيب طرياك واجذى الدلال الصفر صبح ومسيه = حـتى المـسـير يـاجـد الكـيـف لا جـاك والضـيف حـقـه سوقـت الشـاذلـيه = ثـم اكـرمـه مـن خـيـر مـا ربي اعطاك واحرص تخلي كرمت الضيف ريه = من خوف هرجه من بعض ناس تقفاك وليا نتخو بـك نـاس شــد المطـيـه = شــد المـطـيـه لـجـل من جـاك يـنخـاك واخـتـار صحبانـك بحـكـمـه وريــه = من خـوف صحبه تـالي الـوقـت تبـلاك دوْر على الـلي مـا يضايـق خـويـه = الـلـي بـوقـت الضـيـق بـالروح يـفـداك وابعـد عـن الـلي لــه نوايـا خـفـيه = الـلي لـيـنـك غــبـت يـومـيـن يـنـسـاك والـوقـت هـذا بيـن حسـنه وسـيْـه = واحسـب حسـاب خـطـاك قـدام مـمشاك واخـتـامـهـا يـاجـيـل دعـواك لـيـه = يـالـلـه عـسـاهـا تـنـقـبل مـنـك دعـواك

المعـذره من ســـــــوء التـنســـــــيــــــق