قبيلة التاريخ

	بسم الله الرحمن الرحيم أبدأ بربا تجري بأمره أنهار=رباً نحب أرضاه ونخشى عذابه الرازق اللي بأمره الخير مدرار=بأمره وجود الرزق وبأمره ذهابه وعقبه صلاة الرب علام الاسرار=على نبياً نتبعه في غيابه أبكل فخر بمدحها تزين الاشعار=يليق فيها المدح مابه غرابه قبيلة التاريخ ولابه أنكار=مع النبي ارجالها له صحابه تشرفوا برفقته كل مشوار=يمشوا بأمره طاعه واستجابه تفخر بلي بسبعه وخمسين الاخيار=وأنا دليلي قول راع الإصابه أكبر شرف نالوه صحابه أبرار=فازوا بجنة ذكرها في كتابه قصة قبيله للمعالي بها أصرار=قبيلة يوم الملاقا اذيابه ابن رفاده رمزها وافي الأشبار=باشا له التقدير وله المهابه رفادات لهم بيننا أجلال واكبار=شيوخاً تفك أهل النشب والنشابه وان جيت ابذكر وابصه دمهم حار=الوابصي إن كان له حق جابه أهل الشجاعه والوفاء وطيب الاذكار=يسلم دخيل الوابصي في جنابه ومنها مواهيب النقا أن صار ماصار=الموت ماهم حاسبيناً احسابه ومنها السحمه للعداء سقماً ونار=ارجالاً سعوا للطيب وحازوا اكتسابه ومنها الشواما يوم زوغات الابصار=الكل منهم محتزم في زهابه ومنها قواعين الكرم للكرم دار= ابيوتهم للضيف مفتوح بابه ومنها الهروف اللي تحامي عن الجار=ارجالاً ترد ماتهاب يوم الحرابه اهروف تنطح كل مجرم وغدار=خصيمهم خسران يرجع عقابه ومنها عرادات المراجل لهم كار=ارجال علم وفكر ورآي وصلابه طبع العرادي به عزيمه وجبار= اليا تمادى الخصم يلقى جوابه ومنها بركات اللي تفادى بالاعمار=رجالهم للموت ماهو بآبه وتفخر بلي في منقره نسل الاحرار=سنيد قصة فارساً يقتدى به ومنها الحّمر اللي لهم كل مقدار=أهل الكرم والطيب وأهل الرحابه ارجال رآي وشور وبعداً بالأنظار=ارجال تعطي الحق عند الطلابه وزباله أهل الخير شبّابة النار=رجالهم بالطيب منوّخ اركابه أهل الكرم من الضيف مايقبلوا اعذار=للضيف كلمة مرحبا ياهلا به للطيب أطيب والمعادي له اشرار=إلى رافقك ايشرفك بصطحابه ومنها قضاة الحق للحق انصار=فواضله الحق ترجّع انصابه فواضله الله خلقها للاخطار=الفاضلي احماه كلٍ يهابه وتفخر بلي بالفارس اللي خذ الثار=أخو نهايه عن خويه انيابه بلي قبيلة جود ومعروف وجوار=تحافظ على حقوق الرحم والنسابه هاذي بلي عسى أرضها دايم أمطار=لي الشرف يومنهم لي قرابه وتحيه لكل القبايل ومقدار=كلٍ وصل للطيب ولبس اثيابه وختامها الصلاة من النافع البار=على نبياً جنة الله ثوابه الشاعر خميس بن حمد الحميدي أبوذراع البلوي