(هذي مناة القلب)

ياماحلا المطلاع في جيب مامون =توه جديداً ماتعدى مديله
أرتاح وأسلى لامسكت الدركسون =ماهمته طلعه ونزله وميله
أضرب على قفراً من الوسم له لون =من وقع رقه لين حدّر مسيله
عقب الّدهر فزع لها والي الكون =بعد المحل لبست ثيابأ جميله
وقامت بها الربله ورقروق وأفنون =حتى تشابك زقلته مع دبيله
إطيورها تصدح مجارير وإلحون =لاوقّعت في كل غصناً تميله
مرتاع وضحاً والنشاما يحلبون =لادررت حيرانها له عويله
وتلقى هل البل جالسين ايتقهوون =من دلة صفرا مزوّد بهيله
مستانسين وبالسوالف يسلون =ما يعرفوا خطو العلوم الرذيله
تناشدوا عن الذهوب إيتطارون =وكلن يدربل كل ماشاف زيله
واتشوف بدواناً ماغير ايتورون=في منزلن عدوه بجنب الطويله
ربعاً إذا جا ضيفهم ما إيتراخون =متوارثين الساس ذبح الجزيله
هذي مناة القلب ياللي اتعرفون =أمانياً وارجوعها مستحيله
راحت هي وشيّابنا للي تخبرون =ذكرى لهم بالدار رفو ونثيله
أنا ماأقول اللي بقوا مايسدون =بهم الكفو...لكن بيوتاً قليله
اللي بقوا على الأصابع ايعدون =وكلن توطن مانوى في رحيله
وقمت أقتلب من حرتي تقل مطعون =وجلست حاير مالي أيّا وسيله
وعزيت نفسي قلت يانفي بالهون =والعين فاضت بالدموع الهميله
هذا وأنا مابحت في كل مكنون =وسط الحشا شيّاً سوات المليله

ناصر سليم العصباني

.



هذا وانت :

هذا وأنا مابحت في كل مكنون
..............وسط الحشا شيّاً سوات المليله


/


صح الله لسانك


جزلة جزلة جزلة من راس جزل

ووافيـــــــــة


,

لاهنت



ولك تحيــَّاتي



.

ابوسعد شكراً على المرور العاطر الذي يشرفني

لاهنت يالغالي ولك تحياتي وامتناني

ناصــــــــــــر العصباني ..

صح لسانك يالقرم على هالقصيدهـ ولاهنت

سلمان العرادي

ياسلامي عليك ياناصر قصيده جزله من شاعر جزل 0 أبيات تحمل الكثير من المعاني الجميله
وتفوح منها رائحة الأصاله وعشب الربيع00بحق ياناصر لقد أخذتنا معك في رحله بريه ممتعه وأعدتنا الي عصر الجمال الطبيعي سلمت يالعصباني وسلمت يمينك 0

ابو سليم

/

بأي مكان انت رائع ..
فهنا وهناك .. وباي قسم .. مبدع ومميز ,
فسلمت يمينك.. وصح لسانك

ودمت بود

,
محبك