اعطيك موجــــــــز للشاعر حماد بن عوض التلفيه ( رحمه الله)

ياخم قلبي خمت الذيب للشاة=لاراح فيها والعرب مادروبه
اقفى بها سرحان والناس تتلاه=ذيب الخلا محداً ينير دروبه
يامال قلبي اللي على حد ملواه=حد الشفا قامت تلفه هبوبه
تلعب به الارياح يلالي ملالاه=نوبات شرقياً ونوباً جنوبه
يموي كما معلوق مقطوع برشاه=بين السماء والارض نحفت جنوبه
ان صار شياً قلت ان العفولله=كلاً يجازا في سبايب ذنوبه
العبد لنه عال يرجع لموله=يقرب من الرحمه الى حد التوبه
اعطيك موجز للمنافق ودعواه=الي على الجيران عفناً سلوبه
بعماله الي دب الايام تبراه=يم الخلا جعله تلفه لهوبه
فسقان شاوي ماعرف ويش معناه=يعد عيوب الناس وينسى عيوبه
والعيب في جيبه وحثله ويمناه=ومن قد سرواله الى ذيل ثوبه
والبيض يشدن الذهب عند مشراه=شي مغشوش وشي صافي شروبه
فهن كما الفضه نقيه منقاه=وفيهن تنك مربوب سودا جنوبه
وفيهن تخلي جوزها الهم ينشاه=وتسليه لو قلبه همومه تلوبه
خفره هنوفاً مشيها بالمداراه=تدرى قدمها عن طريق العيوبه
وفيهن تخلي جوزها الهم يطلاه=تعاقبه قبل تجيه العقوبه
والعقل راح وجهها باردٍ ماه=مثل الذي يفسخ على الدرب ثوبه

جزل المعاني ،،

لك قبله على جبينك بأسم الشعر وأهله ..

لاتحافنا وأطلانا على هذهـ المعاني الجزله ..

أطيب المُــنــى ،،

سلمان العرادي

أهلا بك أخي الفاضل

سعدنا بوجودك بيننا


و سعدنا بهذه الدرر التي تتحفنا بها


بإنتظارك دوماً

جزل المعاني

الله يعطيك العافية وسلمت يداك وصح لسانك ..

ورحم الله حماد بن عوض التلفيه رحمة واسعه..

ودمت في خير وعافية

رحم الله حماد التلفيه وادخله فسيح جناته

جزل المعاني

يعطك العافيه وبارك الله فيك

تحياتي

الاخ العزيز
جزل المعاني
سلمت واعطيت العافيه عل هذه الدرر
ورحم الله قائلها


عبدالله