ضع إعلانك هنا



النتائج 1 إلى 3 من 3

الموضوع: جديد وحصري ღღ (( سـنة التطـوور عككـس ،،‘ )) ـ ـ ღღ

  1. #1
    عضو جديد الصورة الرمزية سلطان ظاهر الجذلي
    تاريخ التسجيل
    24 - 4 - 2007
    الدولة
    السعوديه
    المشاركات
    631
    معدل تقييم المستوى
    625

    حصري جديد وحصري ღღ (( سـنة التطـوور عككـس ،،‘ )) ـ ـ ღღ

    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

    دوران الارض حول محورها يولد تعاقب الليل والنهار فإذا تعاقب تقال بالنهار ،، طاب صباحكم واذا صار ليلاً طاب مساؤكم


    القصه طويله فقد انذر من اعذر ، وترى القوووصاه محبوكه من اولها لاخرها يعني حسسوني اني كتبت شي واعطيت شي < المؤسسة الخيريه نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي



    مخرج /

    تواردت اسماء السنين لدى الاجداد ومن ثم انتقلت الى الاباء ومن ثم الى الابناء ومن ثم ستنتقل الى الورعان اللي هم الجيل الي بعدنا وهكذا ،، حتى ذخرت لنا اسماء شيدت معالم تراثنا العبيق بالشجاعه < صح كذا ?



    مدخل/ < يستهبل


    ( سنة التـطور عـككس ) في عام 5/5/1555هـ الساعه : 5.55 فجـراً ( سيم ذاك الوقت بمليون ولا باع ) نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي كنت بالصاله وجالس قدام التلفزيون واقلب بهالقنوات من محطه لمحطـه من محل لمحل < يستهبل ،، طبعا شايب ماعرف للريموت ( العصى حقتي هي اللي تغير ) وحسيت بالجوع وناديت ولدي سامي ،، سامي كان جالس جمبي وانا اناديه يسمعه القاصي والداني ،، قال سم يـبه قلت قم رح لامك خلها تسوي لي فطور لحذفك بـ دهون الرماتيزم ،، قال ابشر يابيي ،، وطفشت من التلفزيون وانضر في ولدي الثاني نبيـطه يدردش بجواله لخويه اللي مسافر لليابان ،، قلت الحين جوالك مايطفي اربعه وعشرين ساعه عليه قال لا يايبه هذا بطاريته عن طريق الواير لس ( بيني وبينكم احس انه يلعب علي ذا البزر ) يعني مواصفات الجوال مثل الكمبيوتر العادي ،، قلت وشو اسم جوالك ذا ؟ ،، هذا سلمك الله يابـوي نوهوندا N504 DVD وانا اضحك ههاا .. ههه كح ههههه كح تخبرون ضحكت الشيبان يفصل ويرجع يعد من جديد نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي . الله يغربل بليسك ياوليدي لها الحين الجهل يصدر عندكم ،، وش فيك يابـيي تضحك ؟ ،، ياوليدي هذي شركه اسمها نوكيا وانت اعميتها بوكالة هوندا ولاهي شركه تصنع اجهزة جوال ،، لا يـايـبه لو تلاحظ ان شركة نوكيا يعني اخر ثلاث حروف وكالة كيا مدموجه مع نفس الشركه وخسرت الشركه وطلعت بعدها شركات مدموجه مثل نوهوندا وغيرها ( لاتستغربون بتصير ) ،، طيب اللي معك نوهوندا إكورد ولا سيفك نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي ،، والله ياوليدي يوم كنا في وقتكم ماكنا نعرف الخرابيط ذي مانعرف الا منتدى قبيله بلي واللي فيه كلهم ماتو الله يتغمدهم بالرحمه ،، قال نبيطه الحين يبـه كيف كان منتداكم قبل نفس المنتديات بالوقت الحالي ،، قلت : اييييييييييييييييه ياوليدي منتدانا قبل كان من طين ، المنتدى كنت اصب عليه مويه على شان تفتح الصفحه واذا طول مافتح اعرف ان الطين صار يابس ويبيني ارشه ماء نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي ،، قال ياللللللله كانت حياتكم صعبه طيب كيف كان مشرفينكم قبل والاعضاء ،، ياوليدي خير منتدى سطع عليه النور وخير مشرفين واعضاء هم اهلن للمرح والسرور ،، ياليتني عايش في عصركم يا أبتاه ،، قلت تخسي مابقى الاهي قم ساعد اخوك وعلى طريقك شغل السياره خلها تحمى ( تخبرون وقت برد ولازم يبيلها فتره لين تحمى ) ،،


    ******



    شوي الا سامي وامه جابو الفطور ، بدري سنه تسوين فطور ،، وش اسوي يابو سامي توه سامي مغـاط يقول ابوي يـبي فطور وانت خابر ولدك مايستوعب كل مارسلته في شي ينسى ياخوفي ان ولدي مصقوع بعين ،، من بيـنضل ولدكي الغبي مافيه شي ينضـل لادراسه لا وضيفه العين تضرب فيه وترجع ،، بسم الله على ولدي ( وانا اهمس في نفسي طالع على امك ) قالت وش تقول ،، ابد اقول ليه ماناكل بطني تقطع من الجوع نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي ،، سميت بسم الله وتعوذت من الشيطان ومن ولدي سامي ،، حتى اني شفت سامي يطرش ( يستفرغ ) جمبي هو الشيطان ،، وشبعت الحمد لله مادريت الا وعيني بنضره رومنسيه تنضر في ام سامي وهي تاكل وانا اغمـزلها وهي تغمزلي ( كيفي زوجتي ) نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي الله يالدنيا تذكرين يوم اعشيتس في الفيصليه يالبى قلبتس ،، وينقز ولدي نبيطه يبـه ترى غيرو اسم الفيصليه الى الدمعه ،، قلت اقول لايكثر من اليوم تلعب علي وانا ساكتلك يابزر قم خلك بالسياره وانا جايك ،، يالله يـ إم سامي هاتي بشتي بروح مشوارن قريب وعلى اذان الضهر وانا بالبيت ،، المهم يومن اني مشيت قلت انا ليه ماشطف شارع التحليه من يوم تشجيع المنتخب يوم فاز على اليابان ولعد جيته ،، طولت بالمسافه يوم جيته كباري جديده والاشارات مزودين فيها لون ازرق وزحمه فوق زحمة الرياض اللي اناخابر ،، يوم وصلت لموقع شارع التحليه والا هو متغيرن علي بالمره ولا طرى علي انه هو ،، وانا الان في حيرتٍ من امري وتبقى الاستفهامات فوق عقالي ياترى اين هو شارع التحليه ؟ ،، قلت انا ليه مسـآل هذا اللي يمشي يمكن انه يفيدني وبحاول اني اتكلم فصحى ( تخبرون كل شي تطور ماضمن الفشيله ) ،، قلت انت ياهذا الذي تمشي خطوه وتلحقها برجلك اليسرى < حكمـه نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي ،، قال سم ياخال ،، قلت لهجه عاميـه ايه اشوى ،، قال سم ؟ ،، قلت ياوليدي ابسالك عن شارع التحليه وينه ؟ ،، ( خبرك تحليه )ياخال ، قلت افا اجل صاروا يضربون بها المثل اخبرها ( خبرك عتيق ) ،، ايه ياخال الحين التحليه نقلوها للجنادريه ،، قلت عسى الهمرات اللي ممـتره الشارع نقلوها معها ،، وهو يضحك ههههههه ايه ياخال حتى عيون القطط اللي بالإزفلت ،، مادري انا اصدقه ولا مثل ولدي التسذوب نبيـطه ،، قلت إكـس كيوزمي ياوليدي سي يو < مايعقل الشايب هههه ؟


    ******

    عاد يئست من التطور اللي كنسل زمان اول ،، وركبت سيارتي ومشيت يوم جيت ابغير السياره بنمره 3 رجعتها بالاول ماتسمع الا صوت الكفر ( والعالم تطالع فيني وش ذا الشايب المهجول ؟ ) ،، وانا ارفع صوتي لحول الله حتى تعشيق القير تطور < مايمديني اصرف نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي ،، يوم حركت الا اللي مشغل السفتي ويقول صفط ياراعي الددسن ،، يالليل الشكوى لله وش انا مسووي ؟ ،، واوقف يوم وقفت احتريه ينزل ولا نزل ،، قلت الضاهر عرف اني شايب وخنقته العبره والرحمه وقال خلني اتركه بحاله ،، يوم مشيت مادري الا هو معترضلي قدام سيارتي ،، يقول تبي تنحاش ها ؟ قلت ياوليدي ويني وين النحشه شفتك مانزلت قلت يمكن شافني شايب وتركني ،، وهو ينزل انا مدري البدله فيها احد ولا اتوهم نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي ،، قال ليه ياخال تـثـوي كذا وانت شايب ،، قلت قول تسـوي ؟ ، قال تـثثثثوي ،، قلت وراك الله يخليلك امك لاتغرقني نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي ،، قال الحين ياخال ماتـثـتحي يوم تفحط وانت شايب ؟ ، ياوليدي وش لي بالتفحيط والله اني جيت بعطي الثياره قصدي السياره بنمره رجعتها بواحد وطلع الصوت ،، يوم نضرت في اسمه ولقيت مكتوب ( ربيع بن قلبـي الكـر) ،، قلت ماهو غريب علي الاسم ، انت ولد قلبـي الكـر ، قال ايه ياخال ، سبحان الله يوم انضر فيك تذكرت مسمار ابوك اللي نشـب برجله نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي ،، قال كيف ؟ قلت ابد بس فكني ياوليدي وراي بزران ،، قال اسف القانون قانون ياخال ،، افا شايب كبر ابوك تضلمه وتكبره فوق القانون ،، قلت ياوليدي فكني وراي بزران الله يخليك لـ إمك ،، قال اسف ياخال ،، خلـخـلت عضامك قول امين نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي ،، ومنـا ومنـا لين فكني نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي ، ومشيت بعـد ضغط مرتفع وقمت اسب فيه طول الطريق يومـ(ـن) جيت ابروح للبيت وانا اضيع ،، افا ماهي هي يابوسامي لها الدرجـه شيبت وش السواه الحين وكل مامشيت مع طريق ارجع معه قلت وش ذا التطور العككس ؟ ،، واذكر اني لقطـت جوال ولدي نبيطـه واطلعه من جيبي وادور خرآئط ( ماجلان ) لين حصلت موقع البيت ودليته ،، ماوصلت البيت الا المغرب يوم دخلت البيت والا هذا سامي على الباب وينك يـبه رحنا ندورك ،، قلت ابد رحت ازور اعضاء منتدانا اللي باقي ماماتو نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي ،، وتاخرت شوي ، قال اهـاا بس لعـد تتأخر يابوي ،، قلت لا احسن خذ العصى واصير انا ولدك وانت ابوي اقول تقلع داخل لا ألونك بالعقال الحين نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي ، شوي الا هذي ام سامي تقول الحمد لله على السلامه يابو سامي ،، الله يسلمـتس يـ إم سامي والله زي ماقلت للولد رحت ازاور اعضاء منتدانا اللي باقي ماماتو ،، قالت اجر ان شاء الله ،، قلت الله يسمع منـتس ،، وماسمع الا صياح نبيـطه يقول يــبه تعال بسرعه شوف ، قلت وش اشوف ، قال تعال شووف وش موجود بالتلفزيون بسرعه تعال ،، قلت ومرض شايفني مثلك نبيطـه ( على شان كذا سميته نبيطه ) نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي وشوي شوي لين وصلت الغرفه وطالعت بالتلفزيون وإلأ مكتووووب ـ النـــــهـــــايـــــه ـ



    مايستفاد من القصـه /


    تطورت الرياض الا ثلاث الصدمات والخدش على صبات الدائري وطريق خريص ماتغير شي ، لازالت الريحة العطره تعج اجواء حي العزيزيه والنسيم والنهضه والجنادريه ، إزفلت طريق الاسمنت على ماهو عليه ، نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

    كل ماذكر في هذا العام سوف يحصل لا محاله < ( الحمايه البريه والجويه للحياه الفطريه وإنمآئهـا) نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي


    ونشوفكم على خير ،
    بلوي الآصلـ والديرهـ شمآلــ. ..!
    تبوك يآ بعد عيني مسكنك بين الجفون ..!
    عدد زوار مواضيعي
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

  2. #2
    (مستشار) المنتديات العامة الصورة الرمزية سعود الهرفي
    تاريخ التسجيل
    18 - 1 - 2006
    المشاركات
    8,759
    مقالات المدونة
    3
    معدل تقييم المستوى
    681

    افتراضي رد: جديد وحصري ღღ (( سـنة التطـوور عككـس ،،‘ )) ـ ـ ღღ

    سلطان ظاهر البلوي

    هههههههههههههههههههههههههههههههههههههههههه

    رائع يابو سامي رائع


    بس تكفى انا توفيت او باقي الا اكون معهم ..

    المهم من جد قصة رائعة وقريتها حرف حرف ومن جد ونستنا ..

    .
    الحمدلله .. الحمد لك يارب على النعم التي لا تحصى ولا تعد
    .

  3. #3
    عضو جديد الصورة الرمزية سلطان ظاهر الجذلي
    تاريخ التسجيل
    24 - 4 - 2007
    الدولة
    السعوديه
    المشاركات
    631
    معدل تقييم المستوى
    625

    افتراضي رد: جديد وحصري ღღ (( سـنة التطـوور عككـس ،،‘ )) ـ ـ ღღ

    اقتباس المشاركة الأصلية كتبت بواسطة سعود الهرفي مشاهدة المشاركة
    سلطان ظاهر البلوي


    هههههههههههههههههههههههههههههههههههههههههه

    رائع يابو سامي رائع


    بس تكفى انا توفيت او باقي الا اكون معهم ..

    المهم من جد قصة رائعة وقريتها حرف حرف ومن جد ونستنا ..
    لالا انت حي بس شايب راحي فيها اما انا تووني هههههههههههه

    سعود الهرفي اشكرك ع المرور
    بلوي الآصلـ والديرهـ شمآلــ. ..!
    تبوك يآ بعد عيني مسكنك بين الجفون ..!
    عدد زوار مواضيعي
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

الكلمات الدلالية لهذا الموضوع

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
هذا الموقع برعاية
شبكة الوتين
تابعونا