موسوعة الكلمات و الأمثال الشعبية

السلام عليكم ورحمة الله وبركاتة .... وبعد

... اليكم هذه الكلمات ومعانيها ...

... زعق = أي ملح
... مزعيط = أي شديد الملوحه
... سماط = أي لايوجد به ملح
... سويعه = أي بعد ساعه
... ارعه = أي انظر اليه
... ياحليلك = أي انك رائع
... متوذي = أي لا استطيع
... هالخلا = هي في الاصل ( البر ) ولكن هنا يعني روح
... دوبي = أي قبل قليل
... أبخن = أي أشوف

.... ولكم تحياتي ... فتى بلي

يستاهل البرد من ضيع عباتة

من كبر قناته ماظرب

ويعطيكم العافية

المؤمن مرآة المؤمن

السلام عليكم,
طبعا امثالنا الشعبية كثيرة لكن اخترت لكم الامثال التي كنت اسمعها من اهلنا.

"لاتبرك مباريك الجمل وانت ناقه".....على ماعتقد قائله خلف الاذن من الشعلان من الرولة
المثل هذا نقوله للشخص اللي ماهو قد كلامه ولايصمل لجا وقت الصحيح

"قرب المسوى عند ذنب القعود" طبعا المقصود بالمسوى هو المكوى, يعني اداة الكي وعادة تكون مخيط او قطعة حديد حامية
المثل هذا ينقال لا جا وقت الشدايد والجد وعادة ينقال للشخص اللي على شفى يسوي بس خايف منه
وهو يقابل مثل الحضر "جاك الموت ياتارك الصلاة"

"لاتعالج او لاتعانق الزمل وانت حويشي".....الزمل طبعا معروف هي البل اللي يشيلون عليها البدو العدول والحمول الثقيلة وتكون عادة من الجمال القوية....حويشي هو تصغير كلمة حاشي
المثل هذا ينقال لتحذير شخص ما قام يعاند او يناطح واحد اشد منه.....يعني كانك تقوله انثبر بس بسلوب زين

"مايهم الذيب ظراط النعجه"....
المثل هذا ينقال عنما يوجه واحد للك انتقادات حاده ويتوقع منك انك ترد عليه بس تقول المثل ذا ينكتم وكنك تقول مالك سنع عندي وماتسوى اللي يرد عليك...ويقابله المثل "واثق الخطى يمشي ملكا" او "القافلة تسير...."


"لقطة غليص" وقصة غليص مشهوره..وهو مثل اللي يقول "يامن شراله من حلاله عله"

"انت قماري ونجوم"...طبعا قصة المثل معروفه قصة العبد مع عمته
المثل هذا ينقال تعبيرا عن " تراك مانت بعيد منه"....تراكم او حنا مثل بعض

"حظ ادغه" ...قصة ادغه كل الحريم يعرفنها وهي عن وحده بنت حلال على النيه كل شى تسويه توفقبه
جارتها تبي تخلص منها و تذبحها وقالتلها روحي عند القليب ترا فيه قلاده طايحه روحي جيبيها وطبعا اللي عند القليب داب متطوي تبغاه يقرصها لكن يوم رجعت ادغه لجارتها الا وفعلا رجعت ومعها قلاده
هذا يمكن قصة من خيال البدو لكن لها مغزى
المثل هذا ينقال للمراة المحظوظه جدا

"هات البيز ود البيز واثر البيز قطعة خرقه"...البيز هو الوقاية.....خرقه قطعة قماش
المثل ذا ينقال اذا كنت تسمع بشي ماتعرفه وتلقالك واحد بس يردده على مسامعك وتحسبه شي كبيراو مهم وبالخير تلقاه شي تافه وتعرفه باسم ثاني ثم تقول ذا المثل كناية عن التعجب

"صبه لبن احقنه لبن"...
طبعا كلنا نعرف متى يقال..


"جايبن راس الدريعي"..او..."جايبن الذيب مع ذيله"
الامثال ذي تنقال كناية عن تراك ما سويت شي غير عادي....يعني اللي انت سويته شي ماهو صعب

"خلها على مبنا الشايب" ...
المثل ذا ينقال على حب ترك الشي على شكله القديم مخافة حوسته

"مثل العنز الي تحرث عن السكين" او "مثل العنز الي دور على مذبحها"
المثل ذا ينقال للشخص الي يحرث ويدورالعلوم اللي ممكن تسبب له مشكله

"الذيب مايهرول عبث"...طبعا معروف للكل ....يعني لك مصلوح بالشي بس ماودك تقول

"اما غناة الذيب ولا فقره"......وتقال عند المجازفة والخطورة في عمل ما....

"فرد حمزه ثاير ثاير"...قصت العبد اللي عند الملك عبالعزيز
المثل ذا ينقال عند الجزم على فعل شي سواء صح او غلط


يالله يالربع عطونا الامثال اللي انتم تستخدمونها بالشمال ماهو غيركم....

ابوفهد العصباني.....

<span style='colorurple'><div align="center">السلام عليكم ورحمة الله وبركاته ... وبعد


أبـــــو فـــهــــد الـعــصـــبـــــــانـــي


جـمـيـل مـاخـطـتـه أنـامـلـك مـن أمـثـال شـعـبـيـه .. أسـتـمـتـعـنـا بـقـرائـتـهـا

أبو فهد .. مطلوبك إن شاء الله ستجدهـ على هــــذا الرابط

http://www.bluwe.com/bluwe/index.php?showtopic=3963


لكم تقديري وإحترامي ،،،


فـتـى بـلـي ... سـلـمـان الـعـرادي</div></span>

<div align="center">السلام عليكم ورحمة الله وبركاته،،
ابو فهد العصباني
عزيزي.. لله درك ..تنثر الابداع اينما تكون

سيدي..
موضوع مفيد وانا ساوافيكم بالامثال العربية البدوية من هنا
من مدينة الرياض

سيدي ..
لدي عتب عليك
عتب الغالي لغـــــــالي
عزيزي .. مالي لا اراك الا قليل ..
سيدي .. يعلم الله اني اشتاق لهذا القلم كثيرا
عدني انك لا تغيب كثيرا
ذبحنا التغلي
<<< بدى يمون

وتقبل خالص مودتي
يمكن غلا</div>

الله يعطيكم العافية ياشباب على مروركم الحلو.

يمكن غلا والله احرجتني يالبناخي بس تخبر المشاغل واجد والطباعة بالعربي اعاني فيها شوي
لكن ان شاء اشد الحيل

يالربع ترى فيه موقع كامل عن الامثال الشعبية لكن انا ابي الامثال الدارجة بين اهلنا ومتى تنقال..... نبي شي له جذور و ساس عند بلي.....

واشكركم مرة ثانية

ابو فهد العصباني