قصيدة للشاعر سليمان الجبيل تفضلوا

هنا يحضر القصيد الجزل اذا حضر ابو يوسف وأجعلكم معها لانكم انتم الحكم ....

تفضلوا بدون عنوان

تشيب الرجال وتمتطي صهوة المركـــــوع=والأيــــام في تغيير الأحــوال معتـــــــــاده
يعين الزمل شيالت الحمل عضد وكـــــــوع=ويذل الدهــــــر عزم الجمل عقب مجــراده
ومرد الطيور اليا أعتلت بالوطاه وقـــــــوع=ولافيـــــــه طيـــــراً غادر القاع ماعــــاده
ونشد النظر ويعانق الكوكب المرفــــــــــوع=ونســــج القــــدم وأسرار الأتعاب تقتـــاده
ومن الله خلق بطن الشبع هي وبطن الجوع=والأرزاق تكتــــب للفتـــــاء بأول مهــاده
والأيام كم راسً قساوي ترده طـــــــــــــــوع=ولاهمــــــــها في قســـوة الراس وعـناده
وانا كل مره شارباً كاســها قرطــــــــــــــوع=رضا واشــــكر الله والله ادرا في عــبـاده
صبوراًً ولا لي في رجاوي هشاش ضلــوع=لو الوقــت يلـــــوي ساعـــده يبلشه زاده
على الهون والدنيا تعلمك يالمصـــــــــدوع=عن الســـــيد الي كانــــو القوم له ســــاده
وتذكر ترا من ساق شجره تكون فـــــــروع=ولازالو اهـــل الطــــيب للطـــــــيب وراده
رجالاً يقلبها الدهر ماتخـــر خضـــــــــــــوع=لهــم في سجل المجد عــاده بأثر عــــاده
كراماً يذلون الردا في لـــيال تــــــــــــــروع=أهــل دلة صفــرا ومصـــحف وسجــــاده
مشــو للشكالة درب سندا طلوع طلــــــــوع=على وسـادة ليـــله وليله بلا وســـــاده
خذوها مواريث ونمت نمية المـــشـــــروع=مواريث عـــوداً ورث الطيـــب لحفــاـده
عسي المزنه اللي ساقها من الهوى ذعزوع=تـهلـــع مقـــــــادمها وتقفـــاه رعـــاده
محــاري عشرة أيام وان قصـرن أسبــــــوع=تردد عليــــهم كـــــل عصــراَ بمـيعــــاده
ترزم مراعيد وتضـــــــاحك سنــا متــــــبوع=وتــباكا حقـــــاقاً يحـرم العرق مرقـــاده
على من يلحق للشواكل ثمــــان ضلـــــــــوع=يضيم الصحون لحشمة الضيف وسعاده
تجلــت غرايــزهم كمـــا صفـــوه الينبـــــــوع=زلالاً قــــراح ويبهــــج النفـس مــيراده
ومعاذير شاعـــــرها عن الســرد بالموضوع=تجنــــب هزلـــها والرجاجيل نقــــــاده
والأجساد تربه والنفس غرسها المـــــزروع=نبـــاته على الله ثـــم عــندالله إحصــاده
كـما ساقــط الدمعه فراقـــه بدون رجــــــوع=يمــــا الله يـــرده للجسد عقب مابـــــاده

الشاعر / سليمان حمدان الجبيل