هل تعرضت قبيلة بلي لتصفيات على الهوية ؟إذن لماذا ؟

اخواني ابناء قبيلتي صدقوني المشكله اننا ناس مقوقعين مانحب نعرف بعض ولا نحب الناس تعرفنا

اكبر دليل شف اجتمعاتنا تكون على مستوى المناطق وماتكون على مسمى قبيلة بلي يعني اهل العلاء لحالهم واهل تبوك وحائل لحالهم وايضا الرياض لحالهم اصبحناا ماننتمي للقبيله بل اصبحنا ننتمي للمدينه اللي نسكنها تصدقون ان فيه ناس من الجماعه عنده تعنصر للمدينه اللي يسكنها اكبر من تعنصره وحبه للقبيلته,,,,,,,,,,,,,,,,,,,, يابشر مافيه بينا ترابط
لدرجة وحنا صغار كانو يجونا ناس بس للمراجعه باالمستشفى وابوي كان يقول سلم على عمك وكنت انبسط واقول لعيال الحاره عمي جاينا ولما يسافر يقعد سنين مانشوفه اللي كان عمي لدرجة عيال الحاره كانو يقولون وين عمك ماعاد يجيكم مادرو انه خلص مواعيدهـ

والمشكله الثانيه اننا اصبحنا نخجل من مواجهة المجتمع والسبب ان فيه ناس من ابناء القبيله لعدم معرفته عن قبيلته وعدم اطلاعه هو مايدري وشو اصلا ولو تساله عن رابع جد له مايدري مااقول الا يارب يطول شاعر المليون علشان كل مره نزيد جرعة التلاحم بينا ونقوي الحميه المفقوده عندنا

وصدقني يامحمد اننا ناس مانحب بعض والناجح بيننا محارب وهذا احد الاسباب,,,,,,,,,,,,,,,

واي واحد ينجح بهالقبيله تلقاه يكتب اسم الفخذ تقل مستحي لااحد يدري انه بلوي
شي يرفع الضعط صدق
وربي يامحمد ان الموضوع هذا يجلطني من كثر ماافكر فيه

وفي الختام فقط اجابه على سوالك بلي لم تتعرض لتصفيات وانما تعرضت لتقسيمات كلن
حسب منطقته مثل (بلي تبوك او بلي العلاء )هذي وجهة نظري الخاصه

تقبل مروري

قرناس العصباني

أهلاً أخي / القرناس العصباني .

وأشكرك على هذه المداخله .

أعتقد أخي الكريم بأن ماذكرت من الأسباب التي أدت إلى عدم إنتشار ذكر القبيلة منذ فترةٍ ليست بالبعيدة .

وتساؤلاتي في هذا الموضوع قبل (700 سنه) أين القبيلة واين ذكرها مقارنةً بوجودها قبل هذه السنين .

أما مسألة إجتماعات القبيلة في وان الغلبية أصبح ينتمي للمنطقة أكثر من القبيلة فلا أعتقد بان هذا الأمر مطابقٌ تمامًا للواقع .

عدة اسباب أدت إلى عدم إنتشار ذكرها قد ذكر بعضها في هذا الموضوع ولازلنا ننتظر المزيد .

كل التقدير على حضورك ومشاركتك .

والسلام عليكم .

لازم يكون فيه اجتماعات علشان يضعون اسم القبيله

ياخوي الواحد هاللحين تلقاه بديره واهله بديره بالسنه مايشوفهم الا مره تبي تصير اجتماعات

وش الجدوى من الاجتماعات

الموضوع وما فيه خذها مني ومقابل اكثر من واحد يقولون حضاره !!!!!!!!!!

يقول لذكرت اسم القبيله يقولون بدوي وخصوصا لكنت داخل مع الحضر

حنا مطلبنا الحفاظ على اسم القبيله فقط اما تاريخها معروف وما يحتاج نعرف فيه احد

احترامي

أهلاً أخي / سعودي أصل .

إن كان يظنها حضاره فمن المؤكد أن في عقله خلل ما .

إذ أن الّذي يحكم تصرف وطريقة التعامل وليس اسم القبيلة فليس في إسمها أو أنه من بيئةٍ بدوية أية عيب .

وحسبنا الله على بعض العقول .

كل التقدير على الحضور والمشاركة .

وأؤكد انني أقصد في هذا الموضوع الفترات الماضيه أي ماقبل (500) سنة أي كان مسمّاها مقارنةً بالقبائل الأخرى .

والسلام عليكم ..

القبيله منتشره في عدة دول منها الاردن ومصر وفلسطين وتونس

هل احصاهم احد وهل تواصل معهم احد

نعم كلامك سليم

ولكن من يتحمل هذا العتب بعدم معرفة العدد أو التواصل ؟


أشكرك وأثمن لك هذه المداخله .

تم رفعه طلبًا للمزيد من المشاركات التي من شأنها جعل هذا الموضوع منتهيًا .

والسلام عليكم ..