الحاضر الناضر

أذا دعاني الشعر والجن حضْر=جن المشاعر ماهوجن الشياطين
قامت تصافق من خيالي تنثْر=مثل الجواهروالمعاني عناوين
الحاضر الناضروماصار يذْكر=من فارس الكلمه وخوض الميادين
ربعي بلي واقول واعتز وافخر=قبيلة الامجاد وتشهد براهين
حنا هل الحيزا على الخير والشر=ماهو كلام ملمعين الدواوين
حنا لها يا صاح شوف وتفكْر=اليوم وقبل اليوم وباكر وها الحين
اسمع كلامي من سمعها تبصْر=فسر معانيها على الخير والشين
الوانها بالعين ابيض مع اخضر=وفي عينك السودا تضبع النياشين
بعينك القشرا الالوان تصْفر=مدري عماها الوان والا بلونين
كيف الكبير اليوم بالعين يصغر=من وقت مزرى والمراجل ولا شين
من يمشي دروب الرجاجيل يحذْر=عجف المساري وانت ساري على وين
أرتاح ريْح وأترك الكون يعْمر=خلك بعيد ومن صغار البعيدين

ابو فيصل مساك الله بالخير

يشرفني الحضور مبكرا والاستمتاع بابداعك الجزل 0 واقول والنعم في هل الحيزا

ويعطيك الف عافيه 00 سلامي الخاص لك 0ودمت على هذا العطاء الجزل 0

أبو فيصل

كعادتك مبدع

أبو فيصل

صح الله لسااانك ونعم بهل الحيرزا

ومثل ما قال أخوي الفتي مبدع كعادتك

اخي ابو فيصل

\

/

صح لسانك

ودمت بخير

أبو فيصــــل ..

صح لسانك وسلم بنانك وعلى شأنك يالجزل ..

أطيب المُــنــى ،،

سلمان العرادي