من روائع محسن الهزاني ( دع لذيذ الكرى )
رد مع اقتباسالقصيدة :
دع لذيـذ الكـرى وانتبـه ثـم صـل = واستقم في الدجـا وابتهـل ثـم قـل
يا مجيـب الدعـا ياعظيـم الجـلال = يـا لطيـف بنـا دايـم لـم يــزل
واحـد مـاجـد قـابـض بـاسـط = حاكـم عـادل كـل مـا شـا فعـل
ظـاهـر بـاطـن خـافـظ رافــع = سامـع عالـم مـا بحكـمـه مـيـل
ثـم بعـد لطفـك بنـا افعـل بـنـا = مـا انـت يـا إلآهـي لـه أهــل
يـا مجيـب الدعـا يـا متـم الرجـا = واسألـك بالـذى يـا إلآهـي نـزل
به على المصطفى مع شديـد القـوى = أسألـك بالـذى دك صلـب الجـبـل
الغنـا والرضـا والهـدى والتـقـى = والعفـو العفـو ثـم حسـن العمـل
واسـألـك غـاديـا مـاديـا كلـمـا = لج فيـه الرعـد حـل فينـا الوجـل
وادق صــادق غــادق ضاحـكـا = باكيـا كلمـا ضحـك مزنـه هطـل
المحـث المـرث المحـن الـمـرن = هامـي ٍ سامـي ٍ آنــي ٍ متـصـل
به يحط الحصـا بالوطـا مـن عـلا = منحـي ٍ بالرفـا والغـنـا بالشـلـل
أسألـك بعـد ذا عــارض رايــح = كـن طـق متنـي سحـابـه طـبـل
كن مزنه إلـى مـا ارتـدم وارتكـم = فى مثانـى السـدا دامـرات الحلـل
ناشيـا غاشيـا سـداه فـوق السهـا = كن مقـدم سحابـه يجرجـر عجـل
مدهـش مرهـش مرعـش منـعـش = كن لمع برقـه سيـوف هنـد تسـل
دايـر حـايـر عــارض رايــح = كل من شاف برقـه تخاطـف جفـل
أدهـم مظـلـم مـوجـف مـركـم = جـور مائـه يعـم الوعـر والسهـل
كلمـا اختفـق واصطفـق وانـدفـق = إستهـل وانتهـل وانهـمـل الهـلـل
حينمـا استـوى وارتـوى واقتـوى = واستقـل وانتقـل إضمحـل المحـل
والفياظ اخصبت والريـاض اعشبـت = والركايا ارعجـت والمقـل اسفهـل
والحزوم اربعت والجـوازى سعـت = والطيور أسجعت فوق زهـر النفـل
كن وصف اختلاف الزهر في الرياض =تخالـف فــرش زوالــى تـفـل
بعـد ذا علـهـا مـرهـش قـالـط = ربو شهـر سقـى راسيـات النخـل
راسيات المثانـى اطـوال الحظـور = مستطيـل مقاديـم الجريـد المـظـل
حيثهـن الذخايـر إلـى مــا بـقـا = بالدهـر مـا يديـر الهديـر الجمـل
تغتنى بـه ارجـال بـوادى الحريـق = هم اقروم كـرام إلـى جـا المحـل
هم جـزال العطايـا غـزار الجفـان = هـم شلبـاب الضيـف بليـل هشـل
يا مجيـب الدعـاء يـا متـم الرجـا = إستجـب دعوتـى إنـنـى مبتـهـل
إمـح سيأتـى واعـف عـن زلتـى = فاننـى يـاإلاهـى مـحـل الـزلـل
فأنـا الـذى بــك أمــدّ الـرجـا = فـلا خـاب مـن مـد فيـك الامـل
وانـت الـذى تهـدى إلنـن قــال = دع لذيـذ الكـرى وانتبـه ثـم صـل
ثم ختمه صلاتـى علـى المصطفـى = عد ما انحا سحـاب صـدوق وهـل
المفضلات