عنق الزجاجه

ياموج قلبي موجة الموج لاماج=موج البحر يوم يتماوح امواجه
موج يعرّج فيه وموج له اسهاج=وموج يصول وصولته بالّلجاجه
اصبحت ياقلبي صناديق ودراج=مسرح اهموم ومهتواه وملاجه
منّيتني واثر المحاصيل مالاج=تبّعتني درب الغراره بحاجه
وقعتني في ماقع انكود وحراج=ياضيق نفسي ضيق عنق الزجاجه
من لاسرى في ظلمة الليل بسراج=لو قدرالماطا خطير ارتجاجه
والخط لاجاك بعراقيل ونعاج=عدّل وبدل ماعدلت اعوجاجه
ودع عسى فيها تياسير وفراج=لاطار طيرك لا تحّّّرى رواجه
اطلق لها وهزج بهازيج دّواج=يمديك وان قطب زمانك احجاجه
يكفيك لاضاقت صحاصيح وفجاج=اتعب على راحة ضميرك وناجه
بعدك عن اللي يكرهك طب وعلاج=عزم الفتى هو عز راسه وتاجه
من حطك بمقعد احر من الصاج=حطه ابيدان تثاور عجاجه
ومن حطك بمقعد متاكيه ديباج=دوّر له اللي مايعكر مزاجه
للناس عادات ولها سلوم ونهاج=كل يميّز نكبته من خراجه
هي كلها الدنيا تماثيل وخراج=والرابح المستور يوم المواجه

ابو ابراهيم الحمودي

صح لسانك

الله يعطيك العافيه على هالقصيده الرائعه

ويسلم قلبك من الهم

تقبل تحياتي

هلا فيك
اخوي
وصح لسانك
وسلم بنانك

والله يعطيك العافيه



عبدالله

صح لسانك

وسلم بنانك

تقبل تحياتي

بالتوفيق انشالله

عيد قيضي
الله يحييك
شاكر لك مرورك
الله يعافيك
ودمت بخير

حياك الله يا عبدالله
لك شكري وتقديري
على مرورك
وتقبل تحياتي