يوم الذيابه للذيابه عونا

الملف الشخصي · 06-04-2008, 12:52 AM

هذه قصيده الشاعر المتألق /مقبل البلوي ,
والتي نشرت في جريدة الجزيره العدد 13013
وهوشاعر بمعنى لكلمه وغني عن التعريف واترككم مع ابداعه

من منطلق خبره وعرف ودوا ليل = قال الخبير اللي تمثل وغنا
مايحقق احلامه قليل المحاصيل = يهوم راس الطايله ويتونا
مثل البعير اللي ثنا ساقه الشيل = يبي يقوم ومن رداه يتثنا
تبت يمين اللي شكا قلة الحيل = يوم الذيابه للذيابه عونا
اما نكون اسياد بين الرجاجيل = ولا بلاش نقول حنا وحنا
لاصار للحانا تساق الفناجيل =تقصيرنا مايبعد اللوم عنا
عند الرجال ينزل القدر تنزيل =ويفتح علينا ابواب منا ومنا
ان صار للي مايبينا مداخيل = بالوارده والصادره يمتحنا
اللي علينا قلبه اسود من الليل = يفرح الى جتله على مايتمنا
مايدري انا نذلل الصعب تذليل = انروض الاصعاب ماروضنا
بعزومنا ناصل بعيد المناويل = للمستحيل اعزومنا وردنا
ورد الضوامي للعدود الشهاليل = وردن على حياض الروى ورتونا
ماحولنا من الشداد المحابيل =وش عذرنا للناس لو حولنا
الله خلقنا احرار مانقبل الميل = في وقتنا الحاضر وماضي زمنا
مانقبله واسلافنا تتعب الخيل = وحنا لنا ابيوت لمعزه تبنا
اهل السلوم الطيبه والتعاليل = كنا ومازلنا مثل يوم كنا
سلومنا ميراث جيل بعد جيل = ان مارفعنا فوق مانزلنا

الشــاعر/ مقبـــل البــــلوي</

الملف الشخصي · 06-04-2008, 12:56 AM

وش قصتك يا سلطان نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

الله يسعدك قصائدك الليلة تسوى كثير من القصائد .

صح لسان الشاعر/ مقبل البلوي.

وسلم ذوقك واختيارك على هذه الروائع .

أبلشت نفسك لابد أن تتعهد أمامنا بأن تنقل لنا كل يومين قصيده على ذوقك واختيارك . نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

وبارك الله فيك وعافاك .

الملف الشخصي · 06-09-2008, 04:46 AM

الاخ القدير /محمد العصباني
والله مرورك على مشاركتي هو الذي
اسعدني ويعني لي الشيء الكثير ,
واوعدك اخي بنقل الشعر الجزل
وعسى الله يقدرناعلى الزين
تحياتي