ربعي بـــــــــــلي

<div tag='font="Simplified Arabic,4,black,bold,normal" bkcolor="transparent" bkimage="./html/backgrounds/5.gif " border="outset,4,gray" type=0 line=200% align=center use=ex length=0 char="" num="0,black" filter=""' style='display:none'>
ابدي بـذكر الحي للذنب غــفار= ربا كـــريم ولاعـــطى مايمنّي
ســـبحانه الخلاق رزاق فطـار= ســبع وسـبع ابلا عـمد يرفعنّي
الرازق من الارض باثمارواثمـار= مشــكله وملـــونه واينعـــنّي
ومن شامخه مابين ليفٍ وجــمار= نجني رطب حـلو الطــعم لا ثمرنّي
هـذا فضل ربي على الناس بــديار = عـزٍ وجـود المملـكه وادهشنّي
جــبالهاوسـهولها وأرض مــدرار = بالـخـير دامـني بهـا بشرنّي
بالخـيرمنها هي غـلا كل الأقــطار = يااغلا وطن من كنت طفلٍ حظنّي
أرض وسماء نغلـيك إشموس واقـمار = بقـلوبنا حبك سكـن واسـتكنّي
بأقصى الضـمايردونها ناطا الأخـطار = أرواحـنا من دونـها يرخصنّي
فـوق السهل بأعلى جبل موج وإعصار = أحبها وأهـدي لها الروح وإنّي
فـدوه لها والله عـلى الدارســــتار = يحرس وطن منه النسايم شفنّي
غرد بها البلــبل على روس الاشـجار = طربان بأرض العز يومه يغنّي
عـهد الفـهد عـهد الرخاءعهد مغـوار = مثـلك يابو فيصل فلا ينجبنّي
البيض ياباني وطــن شعب وامـــّار = الكل ينعم بالأمن لـو سـعنّي
نــفوس اهـل السوخسَار خــــسَار= بإذن الولي والكيد بنحـورهنَّي
ماضـرنا ياســــيدي كـيد زمــَار= ماتخيفـنا الالسن ولو زمـرنّي
تخطيط أو تدبـير رغبـات كــــفار = أنتم لها في حنكـتك يفـشلنّي
مخططـات إبلـيس وأعــوان مــكار= ومغررن بالـدين يوم أرعبنّي
أفعالــهم بالـشروالحقــــد حـشار= للخـيرما يلـفي نفوس إعتدنّي
للغـافل الآمـن بلا ذنــب جـــزار = خلاّ النساء لطـفـالهن يندبنّي
لاشـك ويـن يـروح يـتـناه مـثبار = ماله عنه دنيا ودين إخســرنّي
هـذا وانا لو قلـت للحـرف نـزار = وده يجــي مجــبور مايمانعنّي
أطوع حروف القــوافي والأشعار= غصبٍ عن حروف الهـجـاء يتبعنّي
يجن على كيفي ومشـهاي بصخار= مـن الفـهاء للـياء مـا يعـجـزنّي
منها انتقي يا طيِّب الفال واخــتار= اللي يناسـب بنـت فـكـري وظنّي
ثم أجعله ينبض معاني بما صـار= ولو تنطق الأحـرف معي ينـطـقنّي
يقاسن آهاتي ولو عات محـتار = في ما جـرى لي دايـم يشــاركنّي
بالحزن والفرحه معي تنثر عبار = من كـثر مـا طـاعن معي يـذرفنّي
دمع الحزن يا مبكي صغار وكبار= وان جاء الفـرح لحظه معي يفرحنّي
وليا قسى وقتي عن النار من نار = معي يـجـض الحـرف إن أوجـعنّي
عوج السنين وتذبل الروح وان دار = وقت الـعـنا مـع دورتـه رافـقنّي
ألـفٍ وباء وتاء والـثاء ثـوار = على الـهـموم إليا فـزعن عــاوننّي
والجيم والحاء يلحق الخاء بالأخبار = والـدال ويّا الـذال والـرا لــفنّي
والزاي معهن وأشرف السين باقرار = باللي مـضى يا صـاحـبي علمنّي
والشين ثم الصاد والضاد سبار = طـوالـع الـطـا مـن ورى بـيـننّي
والظّاء ولولا العين والغين ما غار = على العـيون السـود إن طـالعـنّي
الفاء بعد قالت مع القاف غـدار = بعض المـلا غـدار بـإسـلـوب فنّي
والكاف والا اللام والميم لو حار = منها الـقـدم لحـظـه ولا يـبـعدنّي
عنّا ونون وهاء والـواو مـرّار = في مـرته قـبل المـغـيبه سـألـنّي
والياء يجي باليوم مليون وإن زار = يِكمل مسـار حـروف ساعـة مشنّي
معنا بطريق النصح والحب والدار = قلبي ومع جـر القـلم يـظـهـرنّي
كل ما جرى فوق الورق نصح وأذكار = تسـبيح للمـولى معـه سبـحنّي
للواحـد العـلاّم باسـرار واسرار = الـواحد المعـبود وحـده يـهـنّي
عبده ليا طـاعه توافيق بإعـمار = قـلبه بذكـره ما عـصى والتـمنـّي
ما ينفـع أهله والعمل سر وجهار = يتبـع رضى واليـه لـو ما صـفنّي
بيض الليالي سودها يقهر أحـرار = اصـبر على المـكـتوب ما كـدرنّي
ثم استشير إقروم ما خاب من شار = واطـيعـهم بالشـور أيضا واصـنّي
رشد النصايح من آهل الجود وخيار = الطـيَب اللي بالنصـيحـه رهـنّي
ما بادل المعـروف والطيب بإنكار = أبـادل المعـروف معـروف مـنّي
واحفظ حقوق الجار والجار لو جار = ما طـاوعـه في زلـته لو غـبنّي
وصّى عليه المصطفى نور وأنوار = لقـلـوبنا بالخـير لا يجـزعـنـّي
واعـيش فيها رافع الـراس صبار = ومن شـافني مبسـوط ما يحـسبنّي
أضيـق في دنيـاي وإن قـال ثـرثار = كلمه تكـدر خـاطري ما شحنّي
صدري وسـيع وللصـبر فيـه معيار = لا زاد عن حـده طـبايع هدنّي
للطـيب كل الطـيب ما طـيع نقـار = الخـاسر اللي بالخـطا يمتحـنّي
أنا وغـيري عن بعض نصـرف أنظار = ولا بـيع لو سود الليالي حدنّي
ولا نطـاوع الشـيطان لـو دمـنا فار = أرجـي الولي بالشر ما يزلقنّي
أقـدامـنا يستر عـلينا مـن أشـرار = ودرب الخـنا والبوق ما يسلكنّي
إنفـوسنا بـذنوب من خـوف جـبار = ولجل الشرف والموت لو يرتمنّي
بحـظن الرذايل في يدي نقـطع اوتار = من خـافقي لحـظات ما ياقعنّي
وش تنفـع العـيشه بـلا عـز وإشار = لي بالـبنان بخـير لاما إلزمنّي
تقـديـر لك يالقـرم غايب وحـضار = لك بالخـافوق حقوق كم يسعدنّي
ساعـات نوفيـها لكم طيب وأسعـار = غـالي لكم يرخص وفاء وملكنّي
أفعـالـكم بالطـيب والطـرف سهار = أذكـر وفـاكم في ليـالي غشنّي
فيـها شقى فيـها من الهـم وأكـدار = ولاني الوحـيد اللي سنيني وطنّي
أسايـس العـوجاء ولا نـرسل إنـذار = للي غـدى يمكـن ضميره يمنّي
قلـبه يعـود بيـوم للخـير وإشـهار = ثـم إعـترف باخطا وطاها سلنّي
معها الضمـاير من عـمى القلب وغبار = عـلى العـيون أيام ما يميزنّي
بين الغـلط والصـح يا مـدور الثـار= يطلب وهو مطلوب يوم أوضحنّي
إله الحقـايق والتراجـع عن إصرار = عن العـلوم اللي بـدمـه جرنّي
وتـوه صفى جـوه عن أوهـام وأثار = ماضي قـبل عن غـلطته سلمنّي
بالصدق والواقـع حصـد زرع بـذار = كلٍ يـلاقي ما بـذر واطـمأنّي
إن خير تحصـد خـير والشـر منشار = ياكل عـمل راعـيه ما يرجهنّي
راعـيه دايم كـن قـلبه على وجـار = أسـود كـما صـاجٍ عليه ألهبنّي
بالنـار عـشقة لا لفى ضيـف عبار = أشـر وفـهمن مانوى وأسرعنّي
راع الـردى والبـوق بمـرافقه عار = لانـي انا مـنه ولاهـوب مـنّي
فـاضي من الخـيرات يـابس ومسّار = مرافق أمـثاله ضـياع وتجـنّي
ضياع للمقـدار والـوقـت وإهـدار = أحـذر حبال السوء لا يشربكـنّي
ولا لـي برفـقتهم أنا قـلال وإكثار = أعـيش وحـداني ولا عِرف جنّي
وأهـل الوفـاء عندي لهم زود مقدار = مـرفوع فـوق الراس طيبه لونّي
ما جـيلهم بقـصور أهـل بنّ وبهار = من كـثر تقـديري لـهم بيـتنّي
هـواجـسٍ في هـاجسي دوم سمّار = بالخـير نـذكـرهم ونبـغى ندنّي
شفـي علـى مـراتهم فوق فكس آر = ثـالث ثلاثه تـوهـن وردنــّي
الفــين وأربع من حفـيزه من ايار = مجـهـزٍ بـآي كـوم لو كـلفنّي
أحدد المـوقـع مسـافات وبحـار = برمجـت ماجـلان ثم إفـحـطنّي
الأربعـه نـاوي للاجـواد مسفـار = منصـور ومحـمد وصـالح شقنّي
روحات معهم للمرابيع واكـــــوار = هجـنٍ يابو ياسـر ليـادرهمنّي
لاجـيت نلـقى دلال بغــداد سـطار = الكل ملــيانه بكــر ما ثننّي
هذا هوى قلب السحـيمي مع إمهـار = معكم مشاهي خـاطري لو نحـنّي
عـنكم وأنا مع صحصح الدرب لا نار = مع طيبين أمثـالـكم فـرحـنّي
سجـات بـديار الهــناء بعد محضار = إن مـرنا أبو غـنيم ثم إشلعنّي
مـواترٍ تطـوي من البـعد مشــوار = تطـوي المسافه طيّ ياما طونّي
من الوعـر وإلا السهل فيه لا ســار = ياســرع ما قضّي لزومي وثنّي
موتر جـــديد ولا ربط فيه مسمار = مهـندسٍ هـــندي وبنجلادشنّي
من العــــلا إليا مشى تنظر القار = يضيق بعـيونك كما ســلك شنّي
أشـداه حـرٍ هـد من بـعد ما طـار = شاف الحباري من سماء خمرنّي
وإلا أصايل تـو ماهِـــدت اصغار = لحظة مـطر ومن السعاده تـعِنّي
في روضة ٍ فـيها من أزهـاروأزهار = خـلفه تــدروحـق لآخر يسنّي
ريح الخزامى والبــختري مع إمرار = وحــوذان والربله وضلعٍ تحنّي
خضره ونظــره تسلب قلوب وافكار = مـن نعمة المولىعـلىالعبد كنّي
إني ياأبو نادر بجـــــنات وانهار = ربيع وبشوفه هـمومي غــدنّي
ونلفي على أبو سعود بالدرب بأسحـار = في ليـلةٍ قمرى بهـا يسرحـنّي
قرب المراح من الحـشو كل مبـدار = لا حسن المـوتر فسـق يجـفلنّي
ونعطي له الأخـبار وعـلوم بإيطـار = كـاشٍ على جـال الحضيه كفنّي
من دلـةٍ صـفراء مع الهـيـل مسمار = فنجـال فنجـالـين ويكـيفـنّي
ونواصـل المسرى مع إسهال وحجـار = ديــرة عـذا وديانها ربعـنّي
ودي عـلى ربـعي والأرحـام مسيار = أونس الخــاطرربيع أطـربنّي
واشرب قـراح أمطار ماهو من أبيار = ماحــط فيه كـلور ما جرثمنّي
غدرانه اللي سيلها صار تكــــرار = حـلوٍ قـراح وشربتينٍ رونّي
واشوف بعـيوني وســاعٍ بلا أسوار = عـلى ممد الشوف خضره كسنّي
روضه قبل ما تاصل الجـــو ويسار= ِلفـه عـلى تـذرع بـها يرتعنّي
خلفات حـمر ووضح كلٍ على حـوار = تــوه يدورج بالسهل وإرسمنّي
لوحه مـن الماضي مع الحاضر إبهار = للعـين جـل اللي رسم وأرزمنّي
وشايع لها الراعي وجت حيل وإبكـار = يم المــــراح وبالسهل بركنّي
وإليا أعتمت درهش لها وأبهل إصرار = وجاب الحليب أسطول منها طمني
ثم صبّ للحضار ساخن من اغرار = مجـموعة حــلوٍ لــبنها ملـنّي
منهاالمواخـر والمـقادم تقـل زار = رغــوه سوات الثلج لاشخــترنّي
بيـضاء رغـا ببهام يمـناه نصار = مـنها وذب من اللبن وأصــبحنّي
خمسه وعزمـه فكره يشيل قنطـار = كله نشـاط ويسـعده شـوفـهـنّي
مانجلـب الألـبان بأيام الإعـسـار = واليوم في عـهد الرخاء يحـلـبنّي
للي لـفى يلقى لبنهن مـع اكــتار = حـيلٍ ومن فـوق الصحن قـلطنّي
ربعي بلي لـوضفتهم وقـت الإغتار = عـسراللـيالي لوبهم يســرفنّي
ما تردهم عن جودهم جـود وايثـار = للضيـف واجب عنـد ربعي وقنّي
طبعٍ بنا مـا ناتي الضيف بقــمار = محـنامن أهل قـلوب يتـصنعنّي
ترحيبهم بالضـيف بلسان وضــمار = لاجـاء الصحيح أبوابهم سكـرنّي
وصـلاة ربي عــدماهـلت أمــطار = سحايب الوسمي عدد ماارعدنّي
على النبي الهاشمي ســــيد الأبـرار= وعداد من ترضع صغير وتحنّي

</div><script>doPoetry()</script>

السلام عليكم ورحمة الله وبركاته ... وبعد

سـعـيـد مـحـمـد الـسـحـيـمـي


ربعي بلي لوضفتهم وقـت الإغتـار ::::: عـسـرالليالـي لـوبــهــم يسرفـنّـي
ما تردهم عن جودهم جـود وايثـار ::::: للضيف واجـب عـنـد ربعـي وقنّـي
طـبـعٍ بـنا ما ناتـي الضيـف بقـمـار ::::: مـحـنـامـن أهـل قـلـوب يتصنعـنّـي
ترحيبهم بالضيف بلـسـان وضمـار ::::: لاجاء الصحيـح أبوابـهـم سكرنّـي

.. فعلاً لقد عطرت سماؤنا بعبق انفاسك واجتحت فضاؤنا برحيق احساسك

كلماتك رائعه لقد نثرت عبيراً يطيب لنا استنشاقه ...

الكلمه لها سحر وصداها أعماق الروح لقد تسللت الى أرواحنا بعبير حروفك


لك كل الشكر والتقدير على هذه اللوحه التي أسعدتنا بها

عــزيــزي .. ســعــيــد مـحـمـد ..

حبذا لو نشرت لنا أسم قائل هذه القصيدهـ .. ولك جزيل الشكر والأمتنان ..

وأتمنى إلا تبخل علينا بما في جعبتك أيها الأنيق .

بكل التقدير والاحترام اشكرك تمنياتي لك بالرقي والدوام

تحياتي أغلفها لك بعبير وندى ورود حدائقي

أخــــــــوكـ ..

فـــتــــى بــــلـــــي ... سـلـمـان العرادي

<div align="center"> .......... سعيد السحيمي .........
السلام عليكم ورحمة الله وبركاته،،

سعيـــــد
أشعر به ونحن نستمتع بقراءة هذه القصيدة الحالمة

رائعنا .... سعيد

يكتب الحبر على الأوراق فينبت شعراً جميلاً وروضاً من أجله

" صارت بيوت القصيد خيام "

تسلم أناملك

لك كل التقدير

أخوك / بلال السحيمي</div>

اخي الفاضل فتى بلي
أشكرك على ردك الجميل وهذا من طيبك
أما عن قائل القصيده فهي لي وعسى ان تنال الاعجاب
اشكرك مرة اخرى ولك اطيب تحياااتي

ربعي بلي لوضفتهم وقـت الإغتـار عسرالليالـي لوبـهـم يسرفـنّـي
ما تردهم عن جودهم جـود وايثـار للضيف واجب عنـد ربعـي وقنّـي
طبعٍ بنا مـا ناتـي الضيـف بقمـار محنامـن أهـل قلـوب يتصنعـنّـي
ترحيبهم بالضيف بلسـان وضمـار لاجاء الصحيـح أبوابهـم سكرنّـي

الكريم الاخ : سعيد السحيمي

ماذا عساي ان اقول بعد هذه الرائعة فعلا
فلك منا كل الامتنان و الشكر على هذا الابداع و دمت بيننا و لا فض فوك
و صح لسانك

اخي الكريم بلال السحيمي
اشكر لك مرورك الغالي المعطر بردك الجميل
وهذا من طيبك ولك اجمل تحياااتي