يالقصيّر مساء الخير واقرب هنا ودي العب معك ياعريب النسب

صح السان الشاعرين
طاروق يستاهل المتابعه

الشاعر الكبير

الماهر

ومتابعتك هي المكسب يالذيب


تحياتي وتقديري


وبيني وبينكـ لقاء ان شاء الله

الجزل عايد والقصير

صح الله ألسنتكم

متابعين

الشاعر الجميل

ثامر

يااااااااااااااااهلا بك تشرفنا بحظورك ومتابعتك

من القلب شكراً لك ياغالي

الله يعطيكم العافيه بس وش حدكم على هالقاف تعبت ماتجي اخر شطر البيت الا والبنزين صفر

وكلكم مبدعين بارك الله فيكم

الشاعر / عبد الحكيم

الله يعافيك ويبارك فيك

تشرفنا بحظورك ومتابعتك

والابداع يكتمل بوجودك من القلب شكراً لك

عايد السميري

يالقصيّر مساء الخير واقرب هنا ودي العب معك ياعريب النسب=واحسب لخطوتك لاتقوم وتطيـح الرجاجيـل ياكبـر شرهاتهـا
أفضل الفقر للناس والا الغنا وأريح النوم للرجـل والا التعـب=عطني العلم ياشيخ والا استريح الرجاجيـل ياكبـر شرهاتهـا

القصير

يالسميري مساء النور قبل العنا ألعب ألعب وأنا جاهزن للعب=خطوتي صوبكم وافية ياالفليح الرجاجيـل ياكبـر شرهاتهـا
من فقر و اغتنا مرجعه للفنا وانت نشدتك ياصاح فيها العجب=استلم علم شيخ"ن"يقول الصحيح الرجاجيل ياكبـر شرهاتهـا

عايد السميري

سالفتنا ماهي دندنن دندنا احتزم واسمع اللي يقول الشنـب=وانت نعرفك شاعر وشهم ومليح والرجاجيل ياكبر شرهاتها
قبل يقراء سؤالي نطق شيخنا يحسبني أدور فلوس ورتب=لبو شركة تويوتا وشركة جميح الرجاجيل ياكبر شرهاتهـا

القصير

من بدأ بالبنا لا يهد البنا وأنت يا أبوشنب قم وشب الحطب=ما حضرت انتظر من كلامك مديح الرجاجيل ياكبر شرهاتها
كان ما همك المال ماهمنا والعنب حامض"ن" وشتبي بالعنب=ماحد"ن"يكره المال خلك صريح الرجاجيل ياكبر شرهاتهـا

عايد السميري

ماهدمنا البنايه وياعمنا كان شبيتها فانت عـود السبـب=لكن ابقفل الباب عن كل ريح والرجاجيل ياكبر شرهاتهـا
لانقول أنت والا تقولون أنا لين يدرون عن سالفتنا العرب=والقناعه تكفي بوقت(ن) شحيح والرجاجيل ياكبر شرهاتها

القصير

البنايه على ساس وتعمنا واحترص للهب يوم جاك اللهب=يحرق الباب واللي بدربه يسيح والرجاجيل ياكبر شرهاتها
كان عندك خبربالخبرقلنا العرب في نشب من يحل النشب=و القناعه غنى للقليب النصيح والرجاجيل ياكبر شرهاتها

عايد السميري

بارك الله فيكم وذا ودنا وانت صاحب وصاحبك يدرا العتـب=ويالموصي ترى الراس يقدح قديح والرجاجيل ياكبر شرهاتها
مشكله كان مانته بداري بنا والعرب ضايعه بين عرض وطلب=وأهل ينبع على ليلهم بالرديح والرجاجيـل ياكبـر شرهاتهـا

القصير

من عرف مزحنا ما عرف جدنا القصير قرا والسميري كتب=وان قدح رأسكم ما يهز الصفيح والرجاجيل ياكبر شرهاتها
واحمدالله ما عندكم عندنا والعرب ودها نيل كـأس الذهـب=وأهل ينبع هدفهم غدى في قريح والرجاجيل ياكبر شرهاتها

عايد السميري

علم اللي جهل ثم قل إننا نحتـرم فـي كتاباتنـا أهـل الأدب=وارعد المرعد وجاء صفيحك سبيح والرجاجيل ياكبر شرهاتها
لو ابو زيد يدري عن أوضاعنا قال تبت يدآ أبي لهب وتـب=واكثر الناس ساكت وقلبه جريح والرجاجيل ياكبر شرهاتهـا

القصير

علم اللي جهل لا يجي يمنا وان حضر يمنا بالبلاغة رسب=وديرتي ممحله وانشد ابن سميح والرجاجيل ياكبر شرهاتها
وش وراء الشايب اللي يبا يخمنا بعد بغدادعينه تناظرحلب=لاهو مسلم ولكن يحب المسيح والرجاجيل ياكبر شرهاتهـا

عايد السميري

اشترك يالقصير بباقه لنا وقول للجاهل ارجع وشـوت علـب=والمريض اسقه شوي شاهي وشيح والرجاجيل ياكبر شرهاتها
السبب جاء يبا يشفط إدميمنا طامعٍ بالحمّار المصفـى آهـب=ومن رفع هامته جهزو له ضريح والرجاجيل ياكبر شرهاتهـا

القـــــصيّر

لك تحية وباقات من وردنا ياعميل"ن"عزيز"ن"صدق ماكذب=واخر اختامها ريح عود"ن"يفيح والرجاجيل ياكبر شرهاتها
يا الله انا طلبناك يا ربنا تحفظ الحال عن كل سلب و نهب=وتستر عيوبنا سرنا مايبيح والرجاجيل ياكبـر شرهاتهـا

أشكر جميع الاخوة الذين مروا على هذه المحاورة

الشاعر الكبير ( القصيّر )


سلمت وصح لسانكـ يالذيب ..
تشرفت باللعب معك بهذا الطاروق الممتع بوجودك وبردودك الجميله
وحقيقه وبدون مجامله اللعب مع شاعر متمكن وقوي مثلك مكسب ويفيد

والغرض هو التسليه وتنشيط الذاكره وكسب الخبره مع اهل الابداع والجزاله امثالك يالقصير

لك مودتي واحترامي وتقديري

دمت عزيز وغالي .. وكل عام وانت بخير


* لــحــظـــه : اعجبني بيتك الذي اتت به كلمة
( الصفيح ) ههههه وكنت احسبك ماتعرف الصفيح والا جبته لك بدري

............................

هذا والشكر موصول لــ كل من حظر وشجعنا بهذا المتصفح واقول حظوركم هو الدافع المعنوي لتقديم مثل هذه المحاورات

من القلب شكراً لكم جميعاً

اخي عايد السميري تحية لك من القلب ياشاعرنا الغالي وأنا المستفيد من اللعب معك

أنت شاعر بمعناها الحقيقي يا ابا سالم


وإن شاء الله إن ربعت الديره آخذ إجازة وامرك ونطلع أنا واياك وثامر وناصر وفالح إن دورلنا

ثميلة:d نقيل عندها هاه وش رايك