مابقي غير ابوفارس عسى الله يجيبه

القصير

مابقي غير ابوفارس عسى الله يجيبه=ودي ألعب معه ذا الليل لو ربع ساعه
خال و الخال ما نرضى عليه الغليبـه=مير"ا"سولف معه وآخذ علوم الجماعه

بن عياده

مرحبا يالقصير كل رجـلاً وطيبـه=شديمناك بالميـدان قدراستطاعـه
كلمت الخال تحمل كل شكن وريبـه=ميرسولف وانا بخدمك امثل قضاعه

القصير

نحمد الله على جيتك بعـد المغيبـه=بعد ما قلت أبوفارس خسر فالبضاعه
من توقع سلم دام السوالف غريبـه=و انا ماني مدور من و راك الطماعه

بن عياده

ما تغيبة والموقـف تـرا مـا نهيبـه=ولاخسرنا بعرف اهل الكرم والشجاعه
انت سولف معي والشك والخوف سيبه=لا تسوي غني وانته تعيش ابمجاعـه

القصير

أركد أ ركد ترى غيبتك ماهي مصيبه=عاذرينك مادام أنك تجي فيك راعـه
كل واحد بها الدنيا نصيبـه يصيبـه=ما يعرف المجاعه من يعرف القناعه

بن عياده

يالقصير علومك يوم تزعل عجيبه=الزعل لا يعديك البحر وارتفاعه
مانعارض على امرالله و لاهي غصيبه=يوم عرفك رمابك بين فك السباعه

القصير

كيف جوك بالعلا كيـف جـوك بالقليبـه=وانت لا هبت هبوب القيظ ما عندك مناعه
كيف ابزعل منك واعلومك بعيده قريبـه=والوداعه في يدي ما باسلمـك الوداعـه

بن عياده

جونا بالعلا لاجيت تونس لهيبه=ثم تلجا لبو فارس تدور شفاعه
مانبي نزعلك لاكن تدفع ضريبه=كيف مرت بعدها قول سمعأ وطاعه

القصير

دام هذا جوكم وش تبي به وش تبي بـه=والزلل من صاحبي وإلا الخطأ بالطباعـه
نلتجي للي خلقنا عالم"ن" سـره وغيبـه=والخبر منشور تنشر ه الصحافه والإذاعه

أخي ابوفارس الله يعطيك العافيه و ماقصرت ولك مني جزيل الشكر والمحاورة معك ممتعه وآمل أن يكون ختامها من عندك يا أبا فارس كما أرجوا السموحه ياشاعرنا المبدع