تعبانه-ضايق صدري أبي أحديساعدني تكفوون

والله ياخ نبراس بلي للاسف مايسمعون لاحد وهم عايشين دوله لوحدهم وحاولت وارسلت
عليهم ناس أكثر من مره بس بدون فائده
وفعلا كلام الاخ خالد السحيمي الكل يقولي مافيه الا أمير المنطقه وياريت احصل أحد يساعدني
اما من ناحية أهلي أبوي رجل كبير وأخواني ملتهين بعيالهم وبيوتهم وبصراحه محد معي ويقولولي انسيهم
ماراح يعطونك عيالك هذولي مايخافون من الله فيهم بطش وجبروت مو طبيعي
البلوي يدور واسطه
أنا مو موظفه وأكيد المحامي يبي له مبلغ وقدره
ياخ مشعل انا كلمت القاضي يقول ماتقدر نعطيك العيال الا بعد الطلاق ارفع قضيه ثانيه
بطلب حضانه هو زياره مو براضي يخلني أشوفهم وشلون يفتهم موضوعي
والله العضيم ماني عارف ايش اسوي احترت وعلى ماقال الاخ خالد انه مافيه الا الامير
لكن مين يوصلني ويفهموه موضوعي عشان يساعدني تكفون لاتتركوني امانه دلوني ايش الحل

بسم الله الرحمن الرحيم

الحمد لله والصلاة والسلام على اشرف الأنبياء والمرسلين سيدنا محمد صلى الله عليه وسلم
اكتب لكم مشكلتي وأتمنى من الله العلي القدير أن تساعدوني أعلم أن مشكلتي ليست فريدة من نوعها ولكنها أحساس حقيقي تشعر به أي أم تفقد أعز ماتملك ألا وهم فلذات أكبادها ويعلم الله أن قلبي يتفطر الم وحسره وشوق على أطفالي الذي لم أراهم من 9شهورويحاول الزوج وأبيه جاهدا بإبعادهم عني ومافي الموضوع هو أن زوجي طردني من بيتي وعرضت قضيتي على المحكمة الشرعية من 7شهور بطلب الطلاق مع العلم كنت ماأبي لكن فهمت من بعض المسولين أن لا استطيع أشوفهم ألا بطلب الطلاق وغير كذا أصلا زوجي مايبيني هو قالي لما خرجني من البيت وزوجي انسان سيئ لأني حاولت أن اكلمهم وأرسلت عليهم من يريدوا عمل الخيرأن اشوف أولادي أوأكلمهم لكن بدون جدوى فلذا قدمت شكواي للمحكمة وألان أنا مطلوبة في بيت الطاعة من وكيل الزوج وهو أبيه واستجبت لكن لم يحضرو الجلسه اللي بعدهاوالظاهريحاولون بتطويل القضيه حتى تسقط عني الحضانه بالولد الذي يبلغ من العمر 4 سنوات ولدى طفله رضيعه عمرها سنه و8شهوراخذها مني كان لها من العمر سنه وشهرفالوقت يمر بسرعه وأنا موعارفه ايش اسوي اللي قلته للقاضي أبي أشوف عيالي قالي مالك حق لانك بذمته كيف بذمته وهو راميني عند أهلي وحارمني عيالي وتعرفون انتم لابد من أجازت القضاة التي تأخر القضيه وقلتله طالما أنت ماتبيني أعطيني عيالي قال لا واذا تبين طلاقك تنازل قلتله اشلون اتنازل وأنا ما ابي الطلاق فرفضت مع العلم أن الزوج ارتبط بأخرى وأتمنى أن احد يساعدني ليها 9 شهورقضيتي بالمحكمه وجلسه وحده بس اللي صارت في 9 شهورواولادي في هذا السن بحاجتي وان بحاجتهم كيف يكونو بعيدين عني نفسيتهم أكيد عدم اذا مانسوني وانا ماعندي مشكله لو يتاخر الطلاق بس أبي عيالي بالله سااااعدوني ايش اسوي

والحمد لله رب العالمين

نسئل الله ان يفرج همك ويعيد لك ابنائك ويعيد زوجك الى هداه

بخصوص موضوعك اتمنى اختي الكريمة لو تبحثين بحكم انكي كنتي زوجه لهذا الرجل عن القرب صديق لقلبه وتطلبين منه ان يكون وسيط خير بينكما افضل من ان يكون بينكم قضايا ومحاكم بنهاية انتي وهو تشتركان في عامل مشترك وهو الاطفال لذى الشور عليك بن تتجنبي القضاء وتبحثين عن طرق اخرى يكون فيها الصلاح بين بينك وبينه
ربمى تكون اجدى واكثر فائده

وفقك الله

اولا اسال الله العلي القدير ان ييسر امرك ويهون هذه المشكله ........................

بالنسبه لشكواكي في المحكمه فثقي تمام الثقه ان الامور ستكون في صالحكي ولاكن عليك بالصبر والثبات والدعاء ..ولاكن كل ما في الامر ان القضيه تحتاج الى شوية صبر لان المحكم امتلائت بمثل هذه الشكاوي .....

وابشرك ان الام لها حق حضانة الاطفال ما دون الخامسة عشرة سنه ؟؟؟ لابد ان يسعى احد من اقاربك للتعجيل في مواعيد الجلسات في المحكمه فمن كلامك انه عقدت جلسه واحده خلال 9 اشهر فهذا شي واضح ان القضيه غير متابعه من طرفكي ........ انا حصلت مع قريبتي نفس المشكله وفي منطقة تبوك وخلال سنه انهيت القضيه ولاكن بعد جهد ومثابره ؟؟؟؟ ولاكن نصيحه اخويه لكي ان تيقنتي انه لا يوجد من يقف معكي في هذه المعاناه من اخوانك او جماعتك فعليك توكيل محامي ان كان وضعك المادي يسمح بذلك مع العلم ان المحامي ما يأخذ حقه الا بعد انهاء القضيه لصالح الطرف الموكل ....
اخيرا تاكدي ان حقكي لن يهضم ابدا ولاكن عليك بالدعاء وعليك بالاجتهاد ..


في قريب لي قرا القصه واستغرب رفض اشقائكي في مساعدتكي واذا لزم الامر فهو على استعداد كوكيل في انهاء القضيه لوجه الله عز وجل .

الحل انك تدخلين على احد شيوخ القبيله المعروفين كي ياخذ معه جاهه
ويصلحون بينكم واعتقد ان هذا اسرع حل لكي 0 ترا نقطة ضعفه احراجه
من قبل شيوخ القبيله 0 اما المحكمه تاخذ اجراءاتها سنه على الأقل 0

وبالنسبه لمكتب الأمير مفتوح للجميع وهناك موضف يستقبل الشكاوي
ولكنه سوف يعيدها للمحكمه ومالكي الا الحل الأول والله يصبرك 0

والمشكله لن تحل من طرفك الا عندما نسمع من زوجك
لأننا لا نعلم هل الحق معك او معه 0

انا مع راي الأستاذ علي عايش الرقيقص
وهو الأبتعاد عن القضاء قدر الأستطاعة وان يكون هناك حكم من اهلك وحكما من اهله وعدم الأعتماد على القضاء الا اذا وصلت جميع الحلول الى طريق مسدود
وانا اقترح ارسال جهيه مع بعض اخوانك او اقاربك الى االزوج وابيه وأن شاء الله سوف تصير الأمور الى خير . لأن الناس يستحون من الجهيات ويقدرونهم وتكون عيبا في حقهم اذا ردوها وخاصة في امور مثل هذه الأمور ,.
واسأال الله العظيم ان يرد إليكي زوجك ردا جميلا

اسال الله العلي القدير ان ييسر امرك