السلام عليكم ورحمة الله وبركاته
بكتب لكم هالحال اللي اسرتنا فيه وربي شاهد على كلامي " عسى ان ربي يسخر من يقف بجانبي
فانا شاب تخرجت من الجامعه ولي سنتين ماتركت مجال ما قدمت فيه محاوله لاكتساب المعيشه لكن ماخلت الواسطات لنا شي
ابوي شايب عمره بالستين ويتقاضى راتب تقاعدي لكن ظروف العائله وكون انه يعول ثلاث اسر هو اللي مخلي عيشتنا في ضنك
امي صابها مرض نفسي لها الان سنه ادا ماتجلس تصيح تكون نايمه " والله المستعان" لي اختين تخرجن كمان والى اليوم اليوم نازله 3993 وظيفه تعليميه لكن مانزلت اساميهن بالرغم ان قريتنا مدرساتها من برى المدينه " قرى جنوب العلا"
رحت واستاجرت ليموزين على امل اني اقدر اغطي شي من مصاريف البيت واخواني واحنا 17 فرد لكن الليموزين بتبوك مالها اي مستقبل ولادخل
الجمعيات الخيريه والضمان يقولو راتب ابوك اربع الاف مادروا انه استقطاعات للبنوك عشان يقدر ابوي يبني لنا بيت شعبي يؤينا من الشمس
والله حال يبكي انتقلنا لتبوك قبل شهر عشان امي تكون قريبه من المستشفى النفسي عشان حالتها لكن اللايجارات كمان ماهي مخليتنا بحالنا
وانا بعد دراسة ثمان سنوات بالجامعه جالس مع هالحظ الردي لو كنت متوظف كان اقدر اعول هالعوائل اللي تنتظرني اخر اليوم اطلع عشره ولاعشرين من هالتاكسي عشان اخد لهم خبز تميس
كمان حالة امي ما اقدر اخليها واطلع برى تبوك ولا كان كديت التاكسي مع الخطوط
يا ربعي يا بلي ابغى انخاكم ما ابي اكثر من وظيفه لي واخواتي ياخدن حقهن بوظائف العلا بديرتنا اللي يجيبوا لها معلمات من المدينه وجده وباقي المناطق واخواتي بالبيت
والله يارب بهالليله يسخر لي من يلقى لنا حل