قصيده لمن لم يقدر الصقوووووووووووور

[line]

يا طيـر ماحـدك نصيبـك علـى خيـروراك مسـجـونٍ بـوسـط الـغـمـاره

حسبي على اللـي عـزّروا فيـك تعزيـرتتفـه ويـصـلاك الحـديـد بـحـراره

فـي موتـرٍ مـا للولـع فيـه تأثـيـرتكسـي اجـارٍ مـا يعـرف الا اجــاره

حِشْرت وحـوش البـر حتـى العصافيـرمـن يـوم دوّر مـن وراهـا تـجـاره

ما للغشيـم مـن الولـع غيـر تدميـردايـم عمـاره صايـرٍ فــي دمــاره

يـا ناقليـن الطيـر مـن غيـر تبصيـرحصيلكـم منـه التـعـب والخـسـاره

اوفوا حقـوق الطيـر ولا اتـرك الطيـرلا تظلمونـه يــا جــداد الصـقـاره

خلـوه لمحـمـد عشـيـر المناعـيـراللـي اليـا شالـه يـعـرف اعتـبـاره

مقدم هـواة الصيـد مـن تـوه صغيـرمـن خلقتـه يعطـي عليـه البـشـاره

يعطيـه حقـه فـي لـيـال المخاظـيـراليـا بكـر الوسمـي ولجلـج خضـاره

قـدام يظهـر فــي نبـاتـه نـواويـرينصـاه لــو انــه بعـيـداً مــزاره

مايمنـعـه دونــه ردي الاشـاويــرفــي نـجـد ولا نـازحـاتٍ ديــاره

الطيـر يبغـي لـه عنـايـه وتدبـيـررجـلٍ يعـرف اهانتـه مــن وقــاره

هـذاك ابوتركـي زبــون المخاسـيـرسمـح الحجـاج اللـي يـذري جــداره

يفـزع لمحـتـاج ويـكـرم مسايـيـروغيـثٍ علـى مـن يستجيـر بجـواره

من جـاه يشكـي مـن الوقـت تقصيـرمظـهـود ولا مستـجـيـرٍ اجـــاره

ويطرب لنقـل مصخـر الخـرب تصخيـرواطلاقـة المسـبـاق شـفـه وكــاره

وينومسـه فعـل الـفـروخ المغاتـيـرومـن كـل قرنـاسٍ تخـيّـر خـيـاره

هـذا يخـل الريـش مثـل المعاصـيـروهـذا يشوقـه لا حجـل فـي طـيـاره

كـم ماقـعٍ قـفـرٍ جهمـلـه بتبكـيـرواثعـى بصيـده حيـن يشـرق نهـاره

وان جا الضحى الضاحي وجت حومة الطيرحـوّل بـروضٍ فـي مفيضـه قــراره

وصكوا عليـه اهـل الوجيـه المسافيـروالقهوجـي قدامـهـم شــب نــاره

واستانسوا فـي جـو مـا فيـه تكديـرودارت سوالفـهـم عـنـاد وعـيــاره

واخـذوا لهـم مقـدار ساعـات لاغيـرليـن الهـوا يسكـن ويركـد غـبـاره

ثـم روحـوا بيـن الصلاتيـن وعصيـرالشيـخ فـك سـبـوق طـيـره واداره

مستبشـراً بالخيـر والصـيـد مـاذيـروالطيـر صـقـاره يـحـب اختـبـاره

واشـرف علـى جـوٍ خضـاره دواويـرفيـه الخـزامـى والنـفـل والشـقـاره

واخذ عـن اللـي عادتـه تلـة السيـرمـا يلتفـت راعيـه يسـبـر شـنـاره

غلاص طلعٍ لـه علـى الصـدق تبريـرياخـذ علـى الجـو البعـيـد انـحـداره

حـوّل علـى جـولٍ تقـافـى مدابـيـرزرق النحـور اللـي عليهـا الــدواره

الطايـره يـرسـل عليـهـا مشاهـيـرمثـل الجهـاز الـلـي بتوجـيـه اداره

والدارجـه يرسـل عليـهـا جـزازيـركـل افـدعٍ مـع قـو ضربـه شطـاره

يفـرا نحرهـا فريـة الدلـو فـي البيـرتلقـى الفـؤاد مظهـره مـن سـتـاره

فـي وقتـهـا ينـسـى وداد الغنـاديـروينسـى جميـع معـامـلات الــوزاره

هذي حقـوق الطيـر يـا ظالـم الطيـرماهـو بحـقـه سجنـتـه فالغـمـاره

تـــــــــــــــــــــــــــــــــــــــــــــــــ ــــــــــــــــــــــحيــــــــــــــــــــــــــ ـــــــــــــاتـــــــــــــــــي

يعطيف العافيه
وصح اللسانك

الله يعطيك الف عافيه
فعلان فيه ناس من هذى النوعيه

يـا ناقليـن الطيـر مـن غيـر تبصيـرحصيلكـم منـه التـعـب والخـسـاره
اوفوا حقـوق الطيـر ولا اتـرك الطيـرلا تظلمونـه يــا جــداد الصـقـاره

الله يعطيك الف عافيه
فعلان فيه ناس من هذى النوعيه

يـا ناقليـن الطيـر مـن غيـر تبصيـرحصيلكـم منـه التـعـب والخـسـاره
اوفوا حقـوق الطيـر ولا اتـرك الطيـرلا تظلمونـه يــا جــداد الصـقـاره

يعطيك العافيه